ថៃ៖ នាពេលថ្មីៗនេះ តារាសម្តែងស្រីជើងចាស់វស្សា កញ្ញា Kwan Usamanee បានបើកបង្ហាញនូវផ្ទះវីឡាដ៏ប្រណីតថ្មីសន្លាងមួយរបស់ខ្លួន ដែលបានចំណាយសរុប អស់១លានដុល្លារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ វាមិនចម្លែកនោះទេ ដែលតារាសម្តែងស្រីរូបនេះរំភើបចិត្ត និងពេញចិត្តជាខ្លាំងចំពោះផ្ទះថ្មីមួយនេះ ដោយសារតែវាជាកាដូលើកទឹកចិត្តខ្លួនឯងរបស់នាង ដែលនាងបានខិតខំប្រឹងប្រែងតស៊ូធ្វើការសន្សំលុយរាប់ឆ្នាំ ទម្រាំបានទិញផ្ទះមួយនេះ។
តួយ៉ាង បើងាកមកកចាប់អារម្មណ៍ពីការតុបតែងនៅផ្នែកខាងក្នុងផ្ទះរបស់ Kwan ឯណេះវិញ គឺយើងសង្កេតឃើញថា នាងបាននាំចូលនូវសម្ភារៈប្រើប្រាស់សុទ្ធតែរបស់ប្រណីតៗ ដូចជា តុ ទូ សាឡុង ទូរទស្សន៍ អំពូលភ្លើង ក៏ដូចជាសម្ភារៈហាត់ប្រាណជាដើមផងដែរ។
មិនតែប៉ុណ្ណោះ Kwan ថែមទាំងបានរៀបចំធ្វើជាសួនច្បារលំហែរកាយ នៅខាងក្រោយផ្ទះថែមទៀតផង ដោយគ្រាន់តែឃើញបែបនេះ ក៏មើលទៅមានសេចក្តីសុខជំនួសនាងនិងម្តាយរបស់នាងដែរ។
យ៉ាងណាមិញទាំងនេះផងដែរ ក៏អាចចាត់បានថាជាកាដូដ៏ធំមួយដែល Kwan បានធ្វើវាឡើងសម្រាប់គ្រួសាររបស់នាងផងដែរ៕