កម្ពុជា៖ ក្នុងឆ្នាំ២០២០នេះ ភពផែនដីរបស់យើងនឹងធ្វើដំណើរទៅដល់ចំណុចមួយដែលនៅកៀកព្រះអាទិត្យបំផុតនៅចន្លោះថ្ងៃទី៤ឬ៥ខែមករា(ទៅតាមម៉ោងក្នុងតំបន់) ហើយចំណែកនៅកម្ពុជារបស់យើងផែនដីនឹងធ្វើដំណើរទៅកៀកព្រះអាទិត្យជាងពេលរាល់ដងនៅថ្ងៃអាទិត្យ ទី៥ ខែមករាវេលាម៉ោង២៖៤៧រសៀល។ សូមបញ្ជាក់ថាព្រឹត្តិការណ៍មួយនេះកើតឡើងជារៀងរាល់ឆ្នាំនៅដើមខែមករា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅពេលដែលផែនដីរបស់យើងធ្វើដំណើរទៅជិតព្រះអាទិត្យ វាមិនបណ្ដាលឲ្យភពរបស់យើងក្ដៅជាងពេលរាល់ដងនោះទេ ប៉ុន្តែក្នុងខែមករា ភាគច្រើនអាកាសធាតុនៅលើផែនដីបែរជាត្រជាក់និងមានព្រិលធ្លាក់នៅតំបន់មួយចំនួននៅលើពិភពលោកទៅវិញ។ មូលហេតុអ្វីបានជាវាប្រែជាដូច្នេះ? ចម្លើយគឺថានៅពេលដែលផែនដីរបស់យើងធ្វើដំណើរទៅជិតព្រះអាទិត្យ ពិភពលោករបស់យើងនឹងវិលជុំវិញគន្លងព្រះអាទិត្យលឿនជាងពេលធម្មតា ដោយវាធ្វើដំណើរក្នុងល្បឿន៣០.៣គីឡូម៉ែត្រក្នុងមួយវិនាទី។
ជាទូទៅផែនដីរបស់យើងធ្វើដំណើរជុំវិញព្រះអាទិត្យក្នុងរយៈចម្ងាយ១៤៩.៦លានគីឡូម៉ែត្រ។ នៅថ្ងៃអាទិត្យនេះដែរ ផែនដីរបស់យើងខិតទៅជិតព្រះអាទិត្យក្នុងរយៈចម្ងាយ១៤៧,០៩១,១៤៤គីឡូម៉ែត្រ ចំណែករយៈចម្ងាយឆ្ងាយបំផុតពីព្រះផែនដីនឹងកើតឡើងនៅថ្ងៃទី៤ខែកក្កដាឆ្នាំ២០២០ក្នុងចម្ងាយ១៥២,០៩៥,២៩៥គីឡូម៉ែត្រ។ បើនិយាយឲ្យខ្លី ផែនដីរបស់យើងនៅជិតព្រះអាទិត្យក្នុងដើមខែមករាជាងដើមខែកក្កដាចំនួន៥លានគីឡូម៉ែត្រ៕