ភ្នំពេញ៖ ការប្រកួតប្រដាល់គុនខ្មែរ ក្នុងកម្មវិធីរបស់ស្ថានីយទូរទស្សន៍ CNC កាលពីព្រឹកថ្ងៃសៅរ៍ម្សិលមិញ កីឡាករជើងចាស់របស់កម្ពុជា ឡុង សុវណ្ណឌឿន បានប្រកួតចាញ់កីឡាករឆ្លងដែនមកពីប្រទេសថៃ ភិតមុន្នី ដោយសន្លប់ធំនៅក្នុងទឹកទី៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរវាងកីឡាករទាំងពីរធ្វើឡើងក្នុងប្រភេទទម្ងន់ធ្ងន់គឺ ៧១គីឡូក្រាម។ ចាប់ផ្ដើមពីទឹកទី១ដល់ទឹកទី៣ ទាំង ឡុង សុវណ្ណឌឿន និង ភិតមុន្នី បានសម្រុកគ្នាទៅវិញទៅមកយ៉ាងកក្រើកតាមរយៈការប្រើចេញដៃ ទាត់ និងជង្គង់។ យ៉ាងណា ការប្រកួតអូសបន្លាយដល់ពាក់កណ្ដាលទឹកទី៤ ភិតមុន្នី បានទាត់ផ្កាប់ចានចូលពេញកញ្ចឹង.ក ឡុង សុវណ្ណឌឿន ធ្វើឲ្យសន្លប់ធំត្រឹមទឹកទី៤នោះតែម្ដង៕