អបអរសាទរ! Sririta ភ្ជាប់ពាក្យ ជាមួយបុរសអភិជនហើយ ព្រឹកមិញនេះ

ថៃ៖ ប្រិយមិត្តជាច្រើនច្បាស់ជា បានស្គាល់រួចមកហើយពី តារាសម្ដែងស្រី ដ៏មានប្រជាប្រិយភាពប្រចាំប្រទេសថៃ Sririta ដែលផ្ទុះការគាំទ្រយ៉ាងខ្លាំង តាមរយៈតួអង្គបែបឆ្នាស់ឆ្នើមផងដែរ។

មិនត្រឹមតែជោគជ័យ ផ្នែកការងារសិល្បៈទេ តែបើងាកមើល ជីវិតស្នេហារបស់តារារូបនេះ ក៏ពោរពេញដោយភាពផ្អែមល្ហែមយ៉ាងខ្លាំង ជាមួយបុរសជា អនាគតស្វាមីមានរូបរាងសង្ហារ និងជាត្រកូលអ្នកអភិជនទៀតផង។

ទន្ទឹមនឹងនេះ បន្ទាប់ពីបានយល់ចិត្ត ថ្លើមគ្នារាប់ឆ្នាំមក ទីបំផុត តារាសម្ដែងថៃរូបនេះ បានដឹកដៃអនាគតស្វាមីយ៉ាងសង្ហារ ចូលរោងភ្ជាប់ពាក្យហើយ កាលពីព្រឹកមិញនេះ។ ក្នុងនោះដែរ គេឃើញថា ពិធីទាំងមូលមានការរៀបចំ យ៉ាងល្អឥតខ្ចោះ ក្រោមវត្តមានរបស់ភ្ញៀវកិត្តិយសគ្រប់ជាន់ថ្នាក់ និងតារាល្បីៗ ថែមផងដែរ។

អ្វីដែលកាន់តែពិសេស ជាងនេះទៅទៀតនោះគឺ Sririta និងកូនកម្លោះរូបនោះ មើលទៅមានភាពសាកសមគ្នាខ្លាំងណាស់ ក្នុងឈុតសម្លៀកបំពាក់បែបប្រពៃណីថៃ និងស្នាមញញឹមស្រស់ថ្លា ពេញចិត្តនឹងគ្នាខ្លាំងណាស់៕

ចង់ជ្រាបច្បាស់ ទស្សនារូបភាពខាងក្រោម៖