អេស្ប៉ាញ៖ អ្នកចាត់ការទូទៅសញ្ជាតិបារាំងលោក Zinedine Zidane បានបញ្ជាក់ថា ខ្សែបម្រើស្លាបឆ្នើមសញ្ជាតិប៊ែលហ្សិកកីឡាករ Eden Hazard នឹងមិនមានវត្តមានក្នុងជំនួបទល់នឹងក្រុម Valencia វគ្គពាក់កណ្ដាលផ្ដាច់ព្រ័ត្រពានរង្វាន់ Supercopa de Espana នៅថ្ងៃព្រហស្បតិ៍សប្ដាហ៍ក្រោយនោះទេ ដោយសាររូបគេជាប់សម្រាកព្យាបាលរបួសក.ជើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Hazard ទើបតែចូលលេងបាន១៣ប្រកួត និងស៊ុតបញ្ចូលទីបាន១គ្រាប់ប៉ុណ្ណោះ គិតរាល់កម្មវិធីទាំងអស់ក្នុងរដូវកាលនេះ មូលហេតុដែលរូបគេមិនសូវមានឱកាសបានចូលលេងគឺដោយសារជួបបញ្ហារបួសញាំញី។
យ៉ាងណាមិញ កំឡុងពេលសន្និសីទកាសែតកាលពីថ្ងៃសុក្រ លោក Zidane បាននិយាយថា៖
"ប្រាកដណាស់ ១០០ភាគរយ គាត់ (Hazard) នឹងមិនធ្វើដំណើរជាមួយពួកយើងទៅប្រកួតក្នុងព្រឹត្តការណ៍ Supercopa de Espana នោះទេ។ ហើយខណៈពេលនេះ គាត់កំពុងសម្រាកព្យាបាលរបួស។ ខ្ញុំសង្ឃឹមថាបន្ទាប់ពីការប្រកួត Supercopa ពួកយើងនឹងអាចឃើញគាត់ត្រឡប់មកចូលរួមជាមួយពួកយើងវិញ។"
គ្រូបង្វឹកដែលជួយ Real Madrid លើកពាន Champions League ៣ឆ្នាំជាប់គ្នារូបនេះបានបន្តទៀតថា៖
"រាល់កីឡាករទាំងអស់សុទ្ធតែសំខាន់ ខ្ញុំមានក្រុមមួយដ៏ល្អជាមួយនឹងកីឡាករឆ្នើមៗជាច្រើន ហើយខ្ញុំនឹងប្រើប្រាស់កីឡាករដែលខ្ញុំមាន៕"
Bong I.T