ពិតទេ? ស្ងាត់ៗ វង្ស ថាណាន់ និងសោភា ទេពី កាន់ដៃគ្នាថត Pre-Wedding ត្រៀមចូលរោងការ?

ភ្នំពេញ៖ តារាចម្រៀងវ័យក្មេង និងមានរូបសម្រស់ស្រស់ស្អាតកញ្ញា សោភា ទេពី ដែលកំពុងតែកសាងភាពល្បីល្បាញនៅលើវិថីសិល្បៈ បច្ចុប្បន្នហាក់បានទទួលនូវការគាំទ្រ និងប្រជាប្រិយភាពយ៉ាងខ្លាំងពីសំណាក់ទស្សនិកជន តាមរយៈការបកស្រាយនូវបទចម្រៀងយ៉ាងពីរោះរណ្តំ និងក្បាច់រាំថ្មីៗប្លែកៗរបស់នាង។

ប៉ុន្តែកាលពីពេលថ្មីៗនេះ កញ្ញា សោភា ទេពី បានធ្វើរឿងដ៏គួរឲ្យចាប់អារម្មណ៍មួយដោយនាងស្រាប់តែបានបង្ហាញនូវរូបភាព Pre-Wedding ត្រៀមចូលរោងការជាច្រើនសន្លឹក ជាមួយតារាចម្រៀងរូបសង្ហាគឺលោក វង្ស ថាណាន់ ទាំងដែលកន្លងមកអ្នកទាំងពីរមិនដែលលេចឮដំណឹងថាមានទំនាក់ទំនងស្នេហាជាមួយគ្នាពីមុនមកនោះទេ។

ជាមួយគ្នានោះផងដែរ សោភា ទេពី ក៏បានសរសេរសាររៀបរាប់នៅលើបណ្តាញទំនាក់ទំនងសង្គមហ្វេសប៊ុកបង្ហាញពីអារម្មណ៍រំភើបចិត្តដូច្នេះថា៖

ចំណែកឯតារាចម្រៀងកម្លោះសង្ហាលោក វង្ស ថាណាន់ វិញក៏បានសរសេរសាររៀបរាប់នៅលើបណ្តាញទំនាក់ទំនងសង្គមហ្វេសប៊ុករបស់ដូច្នេះថា៖   

ក្រោយពីឃើញបែបនេះភ្លាមក៏បានធ្វើឱ្យបណ្តាអ្នកគាំទ្ររូបនាងមិនតិចនាក់នោះទេ ចូលរួមអបអរសាទរ និងជូនពរឲ្យអ្នកទាំងពីរឱ្យស្រលាញ់គ្នាដល់ចាស់កោងខ្នង។

គួរបញ្ជាក់ថា ជុំវិញរឿងរ៉ាវត្រៀមចូលរោងការរវាងកញ្ញា សោភា ទេពី និងលោក វង្ស ថាណាន់ នេះនៅមិនមានការបញ្ជាក់ច្បាស់លាស់ពីសាម៉ីខ្លួននៅឡើយនោះទេ។ តែទោះបីជាយ៉ាងណាក៏អ្នកគាំទ្រដែលស្រលាញ់ពេញចិត្តអ្នកទាំងពីរ ចង់ពួកគេចូលរោងការជាមួយគ្នាពិតប្រាកដនាពេលឆាប់ៗខាងមុខនេះផងដែរ៕ 

ទស្សនារូបភាព Pre-Wedding របស់កញ្ញា សោភា ទេពី និងលោក វង្ស ថាណាន់ ដូចខាងក្រោមនេះទាំងអស់គ្នា៖