ជប៉ុនជាប្រទេសមហាអំណាចសេដ្ឋកិច្ចទី៣របស់ពិភពលោក។ មួយវិញទៀត ប្រទេសនេះក៏ត្រូវបានគេសរសើរមិនដាច់ពីមាត់រឿងស្នាដៃច្នៃមនុស្សយន្ត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវាអាចជាហេតុផលមួយដែលជម្រុញឲ្យជប៉ុនចេះតែបន្តច្នៃមនុស្សយន្តឲ្យធ្វើការជំនួសមនុស្សព្រោះថា ប៉ុន្មានទសវត្សរ៍ចុងក្រោយនេះ កំណើនប្រជាជនជប៉ុនហាក់មានការធ្លាក់ចុះ ដែលញ៉ាំងឲ្យខ្វះកម្លាំងពលកម្ម។ ម្យ៉ាងវិញទៀត មែនទែនទៅប្រទេសនេះតែងតែមានមហិច្ឆតាច្នៃប្រឌិតនូវអ្វីថ្មីៗដើម្បីប្រើប្រាស់ជំនួសកម្លាំងមនុស្ស ដូច្នេះហើយក្រុមហ៊ុននីមួយៗមិនចាំបាច់លំបាកជ្រើសរើសបុគ្គលិក ឬកម្មករសន្ធឹកដែលត្រូវចំណាយប្រាក់ខែច្រើននោះដែរ។
យ៉ាងណាក៏ដោយ ការបង្កើតមនុស្សយន្តច្រើនឡើងៗ មិនបានធ្វើឲ្យក្រុមហ៊ុននីមួយៗក្នុងប្រទេសនេះស្រណុកចិត្ត ដូចការប៉ងប្រាថ្នាគ្រប់ចំណុចនោះទេ។ មិនស្រណុក ត្រង់ថាមនុស្សយន្តមិនអាចធ្វើការរលូនដូចមនុស្សឡើយ។ នេះបើតាមការចុះផ្សាយពីសារព័ត៌មាន The New York Times។
សារព័ត៌មានខាងលើបានបន្ថែមថា ក្រុមហ៊ុនទាំងនោះបានរអ៊ូរទាំថា ការងារមួយចំនួន មនុស្សយន្តមិនអាចធ្វើបានត្រឹមត្រូវតាមស្តង់ដារល្អដូចមនុស្សពិតឡើយ។ ឧទាហរណ៍ដូចជាការចិតដំឡូងបារាំង មុនផលិតផលសម្រេច ដំឡូងមានសំបករាក់ ឬជ្រៅ(ភ្នែកដំឡូង) ដែលត្រូវការចិតចេញ។ ប៉ុន្តែពេលមនុស្សយន្តធ្វើការ វាមើលមិនដឹងថាមួយណាជាភ្នែកដំឡូងឡើយ។ អឹចឹងហើយ វាក៏ចិត្តសាច់ល្អៗចោលអស់ ដែលធ្វើឲ្យបុគ្គលិកមានការលំបាកទៅវិញទេ ព្រោះថាមានការប៉ះពាល់ដល់ដំណើរការការងារ។ ហើយនៅមានបញ្ហាខុសៗគ្នាផ្សេងៗជាច្រើនទៀត។
នោះជារឿងដែលម្ចាស់ក្រុមហ៊ុនជាច្រើននៅតែមានការព្រួយបារម្ភនៅឡើយ។ ព្រោះស្តង់ដារមនុស្សយន្ត មិនអាចដើរតួនាទីការងារជំនួសមនុស្សបានល្អនៅក្នុងលក្ខខណ្ឌរាប់មិនអស់។
ទោះជាយ៉ាងនេះក្តី មានក្រុមហ៊ុនជប៉ុនមិនតិចទេ ដែលនៅតែបន្តផលិត និងប្រើប្រាស់មនុស្សយន្ត។ ពួកគេមានសុទិដ្ឋិនិយមថា មនុស្សយន្តអាចធ្វើការបានឆាប់រហ័ស និងផ្តល់ផលិតផលការងារបានច្រើនសន្ធឹកដែលផ្តល់ផលចំណេញលើសលប់ដល់ស្ថាប័នបានច្រើនជាងកម្លាំងមនុស្ស៕