ឥណ្ឌា៖ កាលពីថ្ងៃទី៣០ ខែធ្នូ ឆ្នាំ២០១៩កន្លងទៅនេះ ដំរីមួយក្បាល នៅឯតំបន់ Mayurbhanj ភាគខាងកើតនៃប្រទេសឥណ្ឌា បានដេញតាមជល់អ្នកភូមិពេញវាលស្រែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូឃ្លីបបានបង្ហាញឲ្យឃើញថា អ្នកភូមិប្រមាណជា៥ទៅ៦នាក់ បានស្រែកដេញដំរីចេញពីវាលស្រែ។ បន្ទាប់មក មានបុរសម្នាក់បានយករំពាត់ទៅវាយលើគូទដំរីដើម្បីឲ្យដើរលឿន ដែលបណ្ដាលឲ្យវាខឹង បកទៅក្រោយដេញតាមជល់គាត់វិញ។ ក្រោយពីឃើញអ្នកភូមិផ្សេងទៀតកំពុងរត់ ស្រាប់តែដំរីដេញតាមជល់ពេញវាលស្រែដោយមិនរើសមុខតែម្ដង។
អ្នកភូមិម្នាក់បានឲ្យដឹងថា ដំរីមួយក្បាលនោះបានដើរពាសពេញវាលស្រែ និងបំផ្លាញដំណាំស្រូវ ទើបអ្នកភូមិនាំគ្នាដេញវាដូច្នេះ។
ជុំវិញរឿងរ៉ាវខាងលើ ត្រូវបានរាយការណ៍ទៅខាងភ្នាក់ងារការពារសត្វព្រៃក្នុងតំបន់ ហើយលោក Subhendu Mallik ដែលជាប្រធានធ្វើការនៅទីនោះ បានដាស់តឿនទៅដល់អ្នកភូមិទាំងអស់មិនគួរនៅក្បែរដំរី ចៀសវាងមានគ្រោះថ្នាក់ផ្សេងៗកើតឡើង៕
សូមទស្សនារូបភាពនិងវីដេអូខាងក្រោម៖