ជប៉ុន៖ សេនដៃ គឺជាទីក្រុងស្ថិតនៅភាគកណ្តាលនៃតំបន់ តូហូគូ របស់ជប៉ុន។ វាជាទីក្រុងមួយដែលមានប្រជាជនចំនួន១លាននាក់ ត្រូវបានវាយប្រហារដោយសាររលកយក្សស៊ូណាមិ ដែលបង្កឡើងដោយការរញ្ជួយដីដ៏ធំនៅជប៉ុនកាលពីឆ្នាំ ២០១១ ។ ដោយសារសោកនាដកម្មនេះហើយ ទើបទីក្រុងសេនដៃ កំពុងធ្វើការងារយ៉ាងដុតដៃដុតជើងដើម្បីដំណើរការរៀបចំរចនាសម្ព័ន្ធឡើងវិញ និងកំពុងអភិវឌ្ឍគម្រោងជាច្រើនជាមួយដៃគូអន្តរជាតិក្នុងន័យកាត់បន្ថយកម្រិតហានិភ័យនៃគ្រោះមហន្តរាយដូចជារលកយក្សស៊ូណាមិ និងគ្រោះរញ្ជួយដី។ ហើយក្រុមហ៊ុនមួយក្នុងចំណោមនោះគឺក្រុមហ៊ុនទូរគមនាគមន៍ហ្វាំងឡង់ Nokia ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈការប្រើប្រាស់បច្ចេកវិទ្យាស្វ័យប្រវត្តិ ក្រុមហ៊ុន Nokia បានតម្លើងបណ្តាញអ៊ីនធឺណិត LTE នៅក្នុងទីក្រុងសេនដៃ ហើយគ្រោងនឹងតាមដានគ្រោះមហន្តរាយពីខាងលើអាកាស ហើយជូនដំណឹងភ្លាមៗតាមរយៈកាមេរ៉ា HD និងឧបករណ៍ចាប់រលកសញ្ញាដែលគេបំពាក់នៅលើដ្រូន គួបផ្សំជាមួយនឹងឧបករណ៍បំពងសំឡេង។ ក្រុមហ៊ុនហ្វាំងឡង់បានសាកល្បងការហោះហើរនៅតាមតំបន់ឆ្នេរ ដែលរងការវាយប្រហារដោយរលកយក្សស៊ូណាមិ។ វាបានបង្ហាញថាការប្រើបណ្តាញអ៊ីនធឺណិត LTE ដើម្បីប្រាស្រ័យទាក់ទងគឺជាមធ្យោបាយដ៏មានប្រសិទ្ធភាពនៃការលើកកម្ពស់ការយល់ដឹងនិងដើម្បីបញ្ចៀសផលប៉ះពាល់ដល់ប្រជាជនកំឡុងពេលមានគ្រោះមហន្តរាយមកដល់។ ជាមួយនឹងការអនុវត្តលើការពិសោធន៍ចាប់រលកយក្សស៊ូណាមិ ក្រុមហ៊ុន Nokia អាចបញ្ជូនសារព្រមានទៅកាន់ប្រជាជនដែលរស់នៅតាមតំបន់ឆ្នេរតាមរយៈឧបករណ៍ដ្រូន។
អភិបាលក្រុងសេនដៃ លោក Kazuko Kohri បានថ្លែងថា ដ្រូននឹងដើរតួនាទីយ៉ាងសំខាន់ក្នុងការធានាសុវត្ថិភាពក្នុងទីក្រុងសេនដៃនិងតំបន់ជុំវិញ។ លោក Koh Kohri បានបន្ថែមថា “ដ្រូនអាចជួយយើងក្នុងការផ្តល់ព័ត៌មានដល់ប្រជាជននៅតាមតំបន់ ដែលទទួលរងគ្រោះមហន្តរាយបានយ៉ាងឆាប់រហ័ស។ ពួកគេមានសេចក្តីរំភើបចំពោះភាពជាដៃគូរបស់ពួកគេជាមួយក្រុមហ៊ុន Nokia ។
លោក John Harrington ប្រធានក្រុមហ៊ុន Nokia បានមានប្រសាសន៍ថា “ យើងចង់បង្ហាញថា ដ្រូននិងបណ្តាញ LTE ឯកជនអាចប្រើប្រាស់សម្រាប់ចៀសវាងគ្រោះមហន្តរាយបាន”៕