ចំនួនកុមារដែលកើតចំថ្ងៃទី១ មករា ២០២០ ចូលឆ្នាំសកល ហើយប្រទេសណា មានកុមារកើតច្រើនជាងគេបំផុត

បរទេស៖ ពីមួយថ្ងៃទៅមួយថ្ងៃ ចំនួនកុមារនៅលើពិភពលោក មានការកើនឡើងឥតឈប់ឈរ ហើយបើយោងតាមការឲ្យដឹងពីអង្គការពិភពលោក UNICEF  គ្រាន់តែនៅថ្ងៃទី១ ខែមករា ឆ្នាំ ២០២០ មានចំនួនទារកកើនឡើង គួរឲ្យគត់សម្គាល់ ដល់ទៅជិត ៤០០,០០០ នាក់។

ក្នុងចំនួនពាក់កណ្ដាលនៃចំនួនសរុប (៣៩២,០៧៨) ត្រូវបានគេប៉ានស្មានថាមកពីប្រទេសចំនួន ៨ ដែលមានប្រទេសឥណ្ឌាឈរនៅលំដាប់ទីមួយជាប្រទេសដែលមានកុមារកើតច្រើនជាងគេនៅថ្ងៃទី ១ មករា នេះ​គឺចំនួន ៦៧,៣៨៥ នាក់ ចិនមាន (៤៦,២៩៩) នីហ្សេរីយ៉ា (២៦,០៣៩) ប៉ាគីស្ថាន (១៦,៧៨៧) ឥណ្ឌូណេស៊ី (១៣,០២០) សហរដ្ឋអាមេរិក (១០,៤៥២) សាធារណរដ្ឋប្រជាធិបតេយ្យកុងហ្គោ (១០,២៤៧) និងអេត្យូពី (៨៤៩៣) ។

នៅក្នុងឆ្នាំ ២០២៧ ខាងមុខគេរំពឹងថា ប្រទេសឥណ្ឌានឹងវ៉ាដាច់ប្រទេសចិន ក្នុងនាមជាប្រទេសដែលមានប្រជាជនច្រើនជាងគេបំផុតលើលោក ដែលសព្វថ្ងៃប្រជាជនចិនសរុបមានចំនួន ១.៤៣ ពាន់លាននាក់ ចំណែកឯប្រទេសឥណ្ឌាមាន ១.៣៧ ពាន់លាននាក់ នេះបើគិតត្រឹមឆ្នាំ ២០១៩។

អង្គការ UNICEF បានឲ្យដឹងទៀតថា ប្រទេសឥណ្ឌា នឹងបន្ថែមចំនួនប្រជាជនប្រហែល ២៧៣ លាននាក់ទៀតនៅចន្លោះឆ្នាំ ២០១៩ ដល់ ២០៥០ ខាងមុខ។ ខណៈចំនួនប្រជាជននីហ្សេរីយ៉ាត្រូវបានគេព្យាករថាក៏នឹងកើនឡើង ២០០ លាននាក់ទៀតដែរ ហើយប្រទេសទាំងពីរនេះអាចមានចំនួន ២៣ ភាគរយនៃចំនួនប្រជាជនលើពិភពលោកទាំងអស់ បើគិតដល់ឆ្នាំ ២០៥០ ខាងមុខ។

ទន្ទឹមនឹងមានកំណើនកើនច្រើនជារៀងរាល់ថ្ងៃបែនេះយ៉ាងណាក៏ដោយ នេះបើគិតក្នុងឆ្នាំ ២០១៨ កន្លងទៅមានកុមារជាង ២.៥ លាននាក់បានស្លាប់ត្រឹមតែរយៈពេលមួយខែ នៃកំណើតដំបូងរបស់ពួកគេប៉ុណ្ណោះ។ ក្នុងចំណោមកុមារដែលស្លាប់ភាគច្រើន ជាកុមារដែលកើតមិនគ្រប់ខែ  និងជាកុមារដែលមានជំងឺ Sepsis ៕