អង់គ្លេស៖ ក្រុមហង្សក្រហម Liverpool ក្នុងនាមជាម្ចាស់ផ្ទះបានបើកទ្វារកីឡដ្ឋាន Anfield ទទួលស្វាគមន៍ក្រុមភ្ញៀវ Sheffield United ក្នុងក្របខណ្ឌ Premier League ជុំទី២១ កាលពីរាត្រីថ្ងៃព្រហស្បតិ៍ម្សិលមិញនេះ ក្រោមក្រសែភ្នែកអ្នកគាំទ្រប្រមាណ៥ម៉ឺននាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យកត់សម្គាល់ក្នុងការប្រកួតនេះគឺក្រុមទាំងពីរ លេងមិនសូវមានការប៉ះទង្គិចគ្នានោះទេ ពោលគឺគ្មានកាតលឿងកើតឡើងសួម្បីតែ១សន្លឹក។
យ៉ាងណាមិញ ក្រឡេកទៅមើលស្ថិតិក្នុងកាប្រកួតឃើញថាក្រុមម្ចាស់ផ្ទះមានឱកាសម្រុកច្រើនដោយស៊ុតបាន១០ជើង ចំគោលដៅ៧ដង សម្រេចទីបាន២គ្រាប់ ចំណែកឯក្រុមភ្ញៀវ ស៊ុតបាន៣ជើងប៉ុណ្ណោះ ចំគោលដៅ២ដង។
២គ្រាប់របស់ក្រុម Liverpool ធ្វើបានដោយកីឡាករឆ្នើម២រូបផ្សេងគ្នា ដោយគ្រាប់ទី១ជាការប្រើបច្ចេកទេសស៊ុតចូលប្រឡោះជើងអ្នកចាំទីបានយ៉ាងល្អតាមរយៈជម្រើសជាតិអេហ្ស៊ីបកីឡាករ Mohamed Salah និងគ្រាប់ទី២ទម្លុះសំណាញ់ទីដោយម្ចាស់អាវលេខ១០ Sadio Mane។
ដូច្នេះក្រោយបញ្ចប់៩០នាទីក្រុមម្ចាស់ផ្ទះ Liverpool បានផ្ដួលក្រុមភ្ញៀវ Sheffield United ក្នុងលទ្ធផល២ទល់នឹង០។
គួរឲ្យដឹងដែរថា គិតត្រឹមជុំទី២១នេះ Liverpool នៅតែបន្តឈរកំពូលតារាង Premier League ដោយ ២០ប្រកួតកន្លងទៅពួកគេមិនដែលស្គាល់ពាក្យថាចាញ់នោះទេ ពោលគឺឈ្នះ១៩ដង ស្មើ១ដង និងសល់១ប្រកួតទៀតក្នុងដៃ៕