Vietjet ស្វាគមន៍យន្តហោះថ្មី A321neo ACF ដើម្បីឆ្លើយតបទៅនឹងតម្រូវការដ៏ខ្ពស់ អំឡុងថ្ងៃចូលឆ្នាំថ្មីប្រពៃណីវៀតណាម!

//s5.kh1.co/93/93aac3027e36ad00b0e580bd02723e7f0fe0d4fa.jpg

សង្គម

០២-មករា-២០២០ ៤ល្ងាច · ៤ ឆ្នាំមុន

វៀតណាម៖ កាលពីថ្ងៃទី៣១ ខែធ្នូ ឆ្នាំ២០១៩ នៅឯអាកាសយានដ្ឋានអន្តរជាតិ Tan Son Nhat ទីក្រុងហូជីមិញ ក្រុមហ៊ុនអាកាសចរណ៍ Vietjet បានស្វាគមន៍យន្តហោះថ្មី២គ្រឿងប្រភេទ Airbus A321 ដែលត្រូវបានចុះបញ្ជីជាយន្តហោះ VN-A521 និង VN-A542 ដើម្បីធ្វើឲ្យយន្តហោះសរុបរបស់ Vietjet កើនដល់៨០គ្រឿង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យន្តហោះថ្មី VN-A521 របស់ Vietjet គឺជាយន្តហោះប្រភេទ A321neo ACF (Airbus Cabin Flex) ២៤០កៅអី ទី៣ក្នុងពិភពលោក ហើយយន្តហោះទាំង៣នេះ បច្ចុប្បន្នកំពុងតែត្រូវបានប្រតិបត្តិដោយក្រុមហ៊ុនអាកាសចរណ៍ Vietjet។ ជាមួយនឹងការមកដល់របស់យន្តហោះថ្មី នៅថ្ងៃចុងក្រោយនៃឆ្នាំ២០១៩ ក្រុមហ៊ុនអាកាសចរណ៍ជំនាន់ថ្មីមួយនេះ កំពុងត្រៀមខ្លួនរួចរាល់ដើម្បីឆ្លើយតប ទៅនឹងតម្រូវការនៃការធ្វើដំណើរ អំឡុងពេលនៃរដូវកាលបុណ្យទាន ពោលគឺ រដូវចូលឆ្នាំថ្មីប្រពៃណីចិន-វៀតណាម ក៏ដូចជាឆ្លើយតបទៅនឹងផែនការបន្ថែម ចំនួនយន្តហោះក្នុងឆ្នាំ២០២០។

យន្តហោះថ្មីនេះ បំពាក់ដោយកៅអីធ្វើពីស្បែកសត្វ និងការតុបតែងជាពិសេសនៅផ្នែកខាងក្នុងនៃយន្តហោះ។ យន្តហោះ A321neo ACF ទី៣របស់ Vietjet មានរចសម្ព័ន្ធថ្មីនៅត្រង់កន្លែងបើកបរ ដើម្បីបង្កើនចំនួនកៅអីអង្គុយរហូតដល់២៤០កៅអី ហើយអត្ថប្រយោជន៍របស់យន្តហោះម៉ាក Airbus ដ៏ទំនើបបំផុតមួយនេះ រួមមាន កន្លែងអង្គុយប្រកបដោយផាសុកភាព កាត់បន្ថយការស៊ីប្រេងយ៉ាងហោចណាស់ ១៦% កាត់បន្ថយសំឡេងរំខានដល់ទៅ ៧៥% និងកាត់បន្ថយវិទ្យុសកម្មដល់ទៅ ៥០%។

បច្ចុប្បន្ន Vietjet បណ្តុំទៅដោយយន្តហោះថ្មីជាងគេបំផុត និងទំនើបជាងគេបំផុតក្នុងពិភពលោក ដោយអាយុកាលជាមធ្យមរបស់យន្តហោះ មានចំនួនត្រឹមតែ ២,៧ឆ្នាំប៉ុណ្ណោះ ដែលធ្វើឲ្យការធ្វើដំណើរប្រកបដោយគុណភាព និងសុវត្ថិភាពបំផុត។

Vietjet បានដឹកជញ្ជូនអ្នកដំណើរសរុបជិត១០០លាននាក់ រហូតមកទល់បច្ចុប្បន្ន ជាមួយនឹងផ្លូវហោះហើរចំនួន ១៣០ខ្សែ ដែលគ្រប់ដណ្តប់លើគោលដៅជាច្រើន ក្នុងប្រទេសវៀតណាម និងផ្លូវហោះហើរអន្តរជាតិទៅកាន់កម្ពុជា ក្នុងនោះ រាប់បញ្ចូលទាំងផ្លូវហោះហើររវាងខេត្តសៀមរាប និងទីក្រុងហាណូយ ឥណ្ឌា ជប៉ុន ហុងកុង សិង្ហបុរី កូរ៉េខាងត្បូង តៃវ៉ាន់ ថៃ មីយ៉ាន់ម៉ា ម៉ាឡេស៊ី ចិន និងប្រទេសឥណ្ឌូនេស៊ី ផងដែរ។

ក្នុងនាមជាក្រុមហ៊ុនអាកាសចរណ៍របស់ប្រជាពលរដ្ឋ និងអ្នកទេសចរណ៍ Vietjet បានផ្តល់ឱកាសរាប់លាន ដើម្បីទទួលបានបទពិសោធន៍ហោះហើរ «បៃតង» ជាមួយនឹងយន្តហោះថ្មី សេវាកម្មថ្មី ភាពរួសរាយរាក់ទាក់ និងសន្សំសំចៃខ្ពស់។ Vietjet បានបង្កើតឲ្យមានការប្រែប្រួលដ៏អស្ចារ្យ ក៏ដូចជាចូលរួមជាចំណែកក្នុងការអភិវឌ្ឍវិស័យទេសចរណ៍ និងសេដ្ឋកិច្ច ក្នុងគោលដៅនានា ដែលខ្លួនធ្វើការប្រតិបត្តិ តាមរយៈការលើកកម្ពស់ទេសចរណ៍ជាតិ និងការវិវឌ្ឍនៃសមាហរ័រណកម្មសេដ្ឋកិច្ចអន្តរជាតិ៕

Vietjet ស្វាគមន៍យន្តហោះថ្មី A321neo ACF ដើម្បីឆ្លើយតបទៅនឹងតម្រូវការដ៏ខ្ពស់ អំឡុងថ្ងៃចូលឆ្នាំថ្មីប្រពៃណីវៀតណាម!

អត្ថបទទាក់ទង

យុទ្ធនាការប្រមូលដបត្រឡប់មកវិញកំពុងទទួលបានការគាំទ្រពីវិស័យបដិសណ្ឋារកិច្ចរបស់កម្ពុជា