អាមេរិក៖ ទីភ្នាក់ងារអវកាសជាតិនិងរដ្ឋបាលអវកាសអាមេរិកណាសាបានប្រកាសថា ពួកគេនឹងចាប់ផ្តើមធ្វើការសិក្សាស្រាវជ្រាវថ្មីមួយ ដើម្បីតាមរកផ្កាយព្រះគ្រោះដែលទំនងនឹងអាចបញ្ចប់ជីវិតមនុស្សលើភពផែនដីទាំងមូល។ គេត្រូវសិក្សាឱ្យបានដឹងមុន ដើម្បីទប់ទល់ទៅនឹងការគំរាមកំហែងទាំងនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានការគំរាមកំហែងជាច្រើនចំពោះជីវិតមនុស្សសត្វនៅលើផែនដី ហើយការគំរាមកំហែងដ៏ធំផុតនោះគឺ វត្តមាននៃផ្កាយព្រះគ្រោះដែលអាចវាយប្រហារលើភពផែនដីរបស់យើង។ ជាមួយគ្នានេះដែរអង្គការណាសា ក៏បានធ្វើការអង្កេតនិងត្រួតពិនិត្យយ៉ាងយកចិត្តទុកដាក់ក្នុងបេសសកម្ម NEO (Near-Earth Object) ដែរ។
អង្គការណាសាបានប្រកាសគម្រោងថ្មីសម្រាប់គោលបំណងមួយនេះ ជាមួយនឹងថវិកាដែលបានបម្រុងទុកសរុបជាង ៣៥.៦ លានដុល្លារ។ ផ្កាយរណបថ្មីមួយនឹងត្រូវបាញ់បង្ហោះទៅកាន់ទីអវកាសសម្រាប់បេសកកម្មសង្កេតវត្ថុដែលនៅជិតផែនដី។ ផ្កាយរណបនេះទៀតសោធក៏នឹងតាមប្រមាញ់ផ្កាយព្រះគ្រោះណាដែលធ្វើដំណើរមកក្បែរផែនដីផងដែរ។
កាលពីថ្ងៃទី ២០ ខែធ្នូ ប្រធានាធិបតីអាមេរិកលោក
ដូណាល់ ត្រាំ បានអនុម័តច្បាប់ស្តីពីការចំណាយអប្បបរមា ដែលបានបង្កើតថវិកាបន្ថែម ២២.៦ ពាន់លានដុល្លារដល់អង្គការណាសា។ បន្ថែមពីនេះ ថវិកាចំនួន ២.៧ ពាន់លានដុល្លារទៀតនឹងត្រូវចំណាយទៅលើការងាររបស់អង្គការ
ណាសាក្នុងវិស័យវិទ្យាសាស្ត្រភពផែនដី
ដែលគម្រោងទាំងនេះរួមបញ្ចូលទាំងបេសកកម្មសង្កេតថ្មី។
សភាអាមេរិកចង់ឱ្យអង្គការណាសាធ្វើការរុករក (NEOs) វត្ថុនៅជិតផែនដីទាំងអស់ ដែលមានអង្កត់ផ្ចិតធំជាង ១៤០ ម៉ែត្រ។ គួរបញ្ជាក់ផងដែរថា វត្ថុដែលមានអង្កត់ផ្ចិតដល់ទៅ ១៤០ ម៉ែត្រឬធំជាងនេះអាចបំផ្លាញជីវិតនៅលើផែនដីនៅក្នុងកំឡុងពេលមានការប៉ះទង្គិចកើតឡើង។
បេសសកម្មអង្កេត NEOs នឹងត្រូវដឹកនាំដោយសាកលវិទ្យាល័យអារីហ្សូណា។ ហើយចំណែកតារាវិទូ Amy Mainzer នឹងដឹកនាំក្រុមទទួលខុសត្រូវ។ គេហទំព័ររបស់សាលាបានប្រកាសពីគោលបំណងនៃភារកិច្ចនៅក្នុងសេចក្តីថ្លែងការណ៍មួយនេះ។ ក្រុមអ្នកស្រាវជ្រាវបាននិយាយថា បេសកកម្មនេះនឹងអាចឆ្លើយសំណួរ ថាតើមានផ្កាយព្រះគ្រោះនិងផ្កាយដុះកន្ទុយណាអាចបង្កគ្រោះថ្នាក់ដល់ផែនដីដែរឬទេ។
កាលពីដើមឆ្នាំនេះអ្នកវិទ្យាសាស្ត្របានចង្អុលបង្ហាញថា ប្រសិនបើមេដឹកនាំពិភពលោកមិនបោះជំហានលើបញ្ហានេះទេ នោះថ្ងៃណាមួយវត្តមានរបស់ផ្កាយព្រះគ្រោះអាចបណ្តាលឱ្យមានគ្រោះថ្នាក់និងហានិភ័យធំធេងបំផុតដល់មនុស្សជាតិ៕