អូស្រ្តាលី៖ ចាប់តាំងពីខែកញ្ញា ឆ្នាំ២០១៩មក ប្រទេសអូស្រ្តាលី បាននិងកំពុងរងការបំផ្លិចបំផ្លាញដោយសារភ្លើងឆេះព្រៃដ៏អាក្រក់បំផុត នៅក្នុងរយៈពេលប៉ុន្មានទសវត្សរ៍ចុងក្រោយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅទូទាំងប្រទេសអូស្រ្តាលីមានមនុស្សជាង ១២នាក់ហើយដែលបានបាត់បង់ជីវិតកាលពីពេលថ្មីៗនេះ។ នៅក្នុងរដ្ឋញូវសៅវែល (New South Wales) ផ្ទះសម្បែងជាង៩០០ខ្នងត្រូវបានបំផ្លាញគ្មានសល់។ អាជ្ញាធរពាក់ព័ន្ធនានាកំពុងពុះពារទប់ស្កាត់គ្រោះមហន្តរាយដ៏ធំធេងនេះ។ បើទោះបីទទួលបានជំនួយពន្លត់អគ្គិភ័យពីប្រទេសដទៃទៀតដូចជាសហរដ្ឋអាមេរិកជាដើមក៏ដោយ ក៏នៅមិនទាន់អាចទប់ស្កាត់បានដែរ។
រឿងរ៉ាវទាំងអស់នេះកាន់តែធ្ងន់ធ្ងរទៅដោយសារបញ្ហាកំដៅនិងគ្រោះរាំងស្ងួតមានជាប់ជាប្រចាំ រួមទាំងចំណុចផ្សេងៗទៀតកើតឡើងពីការប្រែប្រួលអាកាសធាតុដែលជាកត្តាធ្វើឲ្យគ្រោះមហន្តរាយធម្មជាតិកាន់តែអាក្រក់ទៅៗបែបនេះ។
តើភ្លើងឆេះព្រៃកំពុងដុតរោលនៅតំបន់ណាខ្លះ?
ភ្លើងឆេះព្រៃកើតឡើងនៅស្ទើរគ្រប់រដ្ឋក្នុងប្រទេសអូស្រ្តាលី ប៉ុន្តែរដ្ឋញូវសៅវែលរងការវាយប្រហារខ្លាំងបំផុត។
អណ្តាតភ្លើងបានហែកហួរតំបន់ដីព្រៃ និងឧទ្យានជាតិដូចជាភ្នំខៀវជាដើម។ ទីក្រុងធំៗ មួយចំនួនរបស់អូស្រ្តាលីក៏បានរងផលប៉ះពាល់ផងដែររួមទាំងទីក្រុងមែលប៊ននិងស៊ីដនី ជាកន្លែងដែលអគ្គិភ័យបានបំផ្លាញផ្ទះសម្បែងនៅជាយក្រុង និងកើតមានផ្សែងក្រាស់ៗឡើងបង្កឲ្យគុណភាពខ្យល់សំរាប់ការដកដង្ហើមចូលក្នុងកម្រិតគ្រោះថ្នាក់។ អគ្គិភ័យទាំងនេះចាប់ផ្តើមបំផ្លាញអគារតូច - អគារដាច់ស្រយាល ឬផ្នែកខ្លះនៃសង្កាត់មួយ -ឆ្លងរហូតទៅដល់ដីព្រៃរាប់សិបហិកតា។
តើមូលហេតុអ្វីដែលបណ្តាលឱ្យមានភ្លើងឆេះព្រៃ?
ជារៀងរាល់ឆ្នាំភ្លើងឆេះព្រៃនៅអូស្រ្តាលីកើតឡើងនៅរដូវក្តៅ ដោយសារអាកាសធាតុក្តៅស្ងួតធ្វើឱ្យងាយឆាបឆេះនិងរីករាលដាល។
បុព្វហេតុធម្មជាតិកំពុងកើនឡើងស្ទើរគ្រប់ពេលដូចជា រន្ទះបាញ់នៅក្នុងព្រៃដែលរងគ្រោះដោយគ្រោះរាំងស្ងួត។ រន្ទះបាញ់គឺជាបុព្វហេតុផ្តើមឡើងនូវអគ្គិភ័យជាច្រើននៅក្នុងតំបន់ Gippsland ភាគខាងកើតនៃរដ្ឋ Victoria កាលពីថ្ងៃអាទិត្យ។ បន្ទាប់មកបានធ្វើចាប់ផ្តើមឆេះរោលរាលចម្ងាយជាង ២០ គីឡូម៉ែត្រក្នុងរយៈពេលតែ ៥ម៉ោងប៉ុណ្ណោះ នេះបើយោងតាមទីភ្នាក់ងាររដ្ឋ Victoria បន្ទាន់។
ដោយឡែកនៅក្នុងតំបន់ផ្សេងទៀតដូចជារដ្ឋកាលីហ្វ័រញ៉ារបស់អាមេរិក និងឥណ្ឌូនេស៊ីក៏មានរដូវភ្លើងធម្មតាដែរ ប៉ុន្តែភ្លើងឆេះព្រៃរបស់អូស្រ្តាលីប្លែកពីគេដោយសារខ្យល់ខ្លាំងបានបក់យកទាំងរង្ងើកទៅឆេះនៅកន្លែងផ្សេងៗទៀតដែលធ្វើឱ្យកាន់រីករាលដាលធំឡើង។
ភ្លើងឆេះព្រៃក៏បណ្តាលមកពីមនុស្សដែរ នៅក្នុងខែវិច្ឆិកាក្រុមអ្នកពន្លត់អគ្គិភ័យតាមជនបទនៃរដ្ឋញូវសៅវែល បានឃាត់ខ្លួនសមាជិកស្ម័គ្រចិត្តអាយុ១៩ ឆ្នាំម្នាក់ សង្ស័យពីបទលួចដុតព្រៃ ដោយចោទប្រកាន់គាត់ចំនួន៧ករណីនៃការដុតព្រៃដោយចេតនាក្នុងរយៈពេលប្រាំមួយសប្តាហ៍៕