ហេតុតែចង់ឲ្យភ្ញាក់ផ្អើល! បុរសម្នាក់ប្រើវិធីស្ងាត់ៗ សុំមិត្តស្រីរៀបការអស់រយៈពេលពេញ១ខែ

អង់គ្លេស៖ លោក Edi Okoro វ័យ៣០ឆ្នាំ រស់នៅក្នុងទីក្រុង Hereford បានទិញចិញ្ចៀនពេជ្រមួយវង់ដើម្បីសុំមិត្តស្រីរៀបការ ដោយប្រើវិធីស្ងាត់ៗ។

យោងតាមសម្ដីរបស់លោក Edi Okoro បានឲ្យដឹងថា គាត់តែងតែយកចិញ្ចៀនទៅតាមខ្លួនជាប់ជានិច្ច គ្រប់ពេលនិងគ្រប់ទីកន្លែងដែលនៅជាមួយមិត្តស្រី។ រាល់ពេលដែលមិត្តស្រីបែរខ្នងធ្វើអ្វីមួយ គាត់ចូលចិត្តយកចិញ្ចៀនមកកាន់លេង ឬដាក់ចោល ដោយថតរូបទុក។ មានថ្ងៃមួយ គាត់បានយកចិញ្ចៀនទៅដាក់ក្នុងប្រអប់គ្រឿងអលង្ការចំនួន២ថ្ងៃ តែមិត្តស្រីមិនចាប់អារម្មណ៍អ្វីសោះឡើយ។ គាត់ធ្វើបែបនេះ អស់​រយៈពេលពេញ១ខែ ព្រោះតែចង់ឲ្យមិត្តស្រីឃើញចិញ្ចៀនដោយចៃដន្យនិងភ្ញាក់ផ្អើល ហើយឆ្លៀតឱកាសនោះ គាត់នឹងសុំនាងរៀបការ។

យ៉ាងណាមិញ ក្រោយពីលេងអស់ចិត្តហើយ និងមិនចង់ចំណាយពេលយូរជាងនេះបន្ដទៀត លោក Edi Okoro បានសម្រេចចិត្តសុំមិត្តស្រីរៀបការដោយផ្ទាល់មាត់តែម្ដង ហើយនាងក៏បានយល់ព្រមដែរ៕

សូមទស្សនារូបភាពខាងក្រោម៖