សៀមរាប៖ ក្នុងឱកាសពិធីបុណ្យឆ្លងឆ្នាំសកលកន្លងទៅនេះ តារាសម្តែងស្រីល្បីឈ្មោះ គង់ ចាន់ស្រមុំ និង លោក គឹម សីហា បាននាំកូនស្រីតូចរបស់អ្នកទាំងពីរ ទៅដើរលេងកម្សាន្ត នៅឯទឹកដីអង្គរ ក្រុងសៀមរាប យ៉ាងសប្បាយរីករាយពោរពេញទៅដោយសុភមង្គល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ការដើរលេងកម្សាន្តក្នុងស្រុកលើកនេះ អ្នកនាង គង់ ចាន់ស្រីមុំ ក៏មិនភ្លេចថតរូបស្អាតៗជាច្រើនសន្លឹក បង្ហោះនៅលើគណនីសង្គមផ្ទាល់ខ្លួន ចែកជូនដល់ប្រិយមិត្តគាំទ្រ បានទស្សនាផងដែរ។ ដោយក្នុងនោះ នាងនិងស្វាមីរួមទាំងកូនស្រីសំណព្វចិត្ត បានស្លៀកពាក់នូវឈុតពណ៌លឿងជាគ្រួសារ យ៉ាងស្រស់ស្អាត ស្រស់ឆើតឆាយពោរពេញទៅដោយស្នាមញញឹម យ៉ាងមានក្តីសុខ។
ហើយអ្វីដែលគួរឲ្យកត់សម្គាល់ជាងនេះទៅទៀតនោះ គឺយើងសង្កេតឃើញថា Momo ដែលជាកូនស្រីតំណក់ឈាមតែមួយគត់ របស់ គង់ ចាន់ស្រីមុំ គឺកាន់តែស្រស់ស្អាតCute គួរឲ្យស្រលាញ់ កាត់ទៅតាមម្តាយពីមួយថ្ងៃទៅមួយថ្ងៃហើយ និងជាពិសេសបានម្តាយពូកែតុបតែងខ្លួនឲ្យបែបនេះទៀត ធ្វើឲ្យMomo កាន់តែមានប្រជាប្រិយភាព និងមានបងៗអ្នកគាំទ្រច្រើន មិនចាញ់អ្នកម៉ាក់ប៉ុន្មាននោះឡើយ៕
Bong I.T