ថៃ៖ កាលពីថ្ងៃទី២៧ ខែធ្នូ ឆ្នាំ២០១៩កន្លងទៅនេះ បុរសម្នាក់ជាម្ចាស់ហាងលក់សម្ភារៈក្មេងលេង បានចែករំលែករូបភាពមួយចំនួនទៅលើបណ្ដាញសង្គមហេ្វសប៊ុក អំពីសត្វឆ្មារបស់គាត់បានធ្វើឲ្យរូបផ្គុំតុក្ដតាជប៉ុន Doraemon ខ្ទេចជាបំណែក។ យ៉ាងណាមិញ វាបែរជាទទួលបានការចាប់អារម្មណ៍យ៉ាងខ្លាំងទៅវិញ រហូតដល់មានខាងអ្នកកាសែតចុះទៅសម្ភាស៍ផ្ទាល់ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមសម្ដីរបស់ម្ចាស់ហាងបានឲ្យដឹងថា គាត់បានចំណាយពេលអស់១សប្ដាហ៍ដើម្បីផ្គុំរូបតុក្ដតាជប៉ុន Doraemon ដែលមានចំនួនទាំងអស់ ៤,៥០០បំណែក ហើយនឹងត្រូវផ្ញើទៅឲ្យអតិថិជនមុនដាច់ឆ្នាំ២០២០។ ដោយសារការទុកដាក់ធ្វេសប្រហែស ឆ្មារបស់គាត់បានធ្វើធ្លាក់ទៅលើឥដ្ឋ បណ្ដាលឲ្យខ្ទេចចេញជាបំណែកមកវិញ។
បន្ទាប់ពីជួបបញ្ហាខាងលើនេះរួចមក ម្ចាស់ហាងបានទាក់ទងទៅខាងអតិថិជន ដើម្បីសុំពន្យាពេល ហើយអតិថិជនក៏បានយល់ព្រម។ ម្ចាស់ហាងបានចំណាយពេលចំនួន ៤ថ្ងៃទៀតដើម្បីផ្គុំឡើងវិញ និងប្រគល់ទៅឲ្យអតិថិជនទាន់ពេលវេលា៕
សូមទស្សនារូបភាពខាងក្រោម៖