តារាៗ គេលក់ខោអាវ តែបែរជាសុខ សោម៉ាវត្តី និងអនាគតស្វាមី រកស៊ីលក់សត្វនេះទៅវិញ

ភ្នំពេញ៖ ប្រិយមិត្តជាច្រើន ប្រាកដជាបានស្គាល់រួចមកហើយពី តារាសម្ដែងស្រី អ្នកនាង សុខ សោម៉ាវត្តី តាមរយៈតួអង្គក្រមិចក្រមើម គួរឲ្យស្រលាញ់ និងមានរូបសម្ផស្សស្រស់ស្អាត ក្មេងជាងវ័យ ទោះជាមានកូនស្រីមួយរូប ហើយបែបណាក៏ដោយ។

ទន្ទឺមនឹងនេះ ក្រោយភ្លៀងមេឃស្រឡះ បន្ទាប់ពីបានលែងលះស្នេហាចាស់រួចមក សុខ សោម៉ាវត្តី បានជួបកម្លោះសង្ហារ ជាកីឡាករបាល់ទាត់ លោក លី វ៉ាហេត ថែមទាំងយល់ចិត្តថ្លើមគ្នា រាប់ឆ្នាំមកហើយ ដោយគ្រោងនឹងចូលរោងជ័យ ឆាប់ៗនេះផងដែរ។

អ្វីដែលពិសេស ស្របពេលដែលមង្គលការ កាន់តែកៀកខិតចូលមកដល់ សុខ សោម៉ាវត្តី និងអនាគតស្វាមី បានបង្កើតមុខរបររកស៊ី ជាមួយគ្នាទៀត។ ក្នុងនោះដែរ យោងតាមគណនីហ្វេសប៊ុករបស់តារាស្រីរូបនេះ បានបង្ហោះរូបភាពជាច្រើនសន្លឹកជាមួយ លី វ៉ាហេត នៅក្នុងកសិដ្ឋានឃ្មុំមួយ អមដោយស្នាមញញឹមប្រិមប្រិយ ពោរពេញដោយក្ដីសុខណាស់។

យ៉ាងណាមិញ សុខ សោម៉ាវត្តី និងម្ចាស់បេះដូង បានធ្វើឲ្យហ្វេនៗ សរសើរមិនដាច់ពីមាត់ ពីការខំប្រឹងក្នុងជីវិតស្នេហារបស់ពួកគេ ថែមទាំងទន្ទឹងរង់ចាំមើល ថ្ងៃពិសេសរបស់អ្នកទាំងពីរផងដែរ៕

ចង់ជ្រាបច្បាស់ ទស្សនារូបភាពខាងក្រោម៖