មិនដែលឃើញទេ ឆ្មាចម្លែកបែបនេះ

អាមេរិក៖ ឆ្មាល្បីឈ្មោះពីរក្បាល ដែលមានគណនី Instagram ផ្ទាល់ខ្លួនព្រមទាំងមានអ្នក Follow ជាង ៣០,០០០ នាក់ ត្រូវបានម្ចាស់របស់វាដាក់ឈ្មោះថា សារ៉ាជេនគីន បានថតបង្ហោះក្នុងបណ្ដាញសង្គមធ្វើឲ្យមហាជាច្រើនមានការចាប់អារម្មណ៍យ៉ាងខ្លាំងដោយសារសម្បុរ និងពិសេសពណ៌ភ្នែកទាំងពីររបស់តែម្តង។

ឆ្មាទាំងពីរក្បាលខាងលើ ត្រូវបានគេស្គាល់ថាវាជាប្រភេទពូជឆ្មា  Sphynx ។ វាទាំងពីរមានលក្ខណៈពិសេសខុសដោយឡែកពីឆ្មាដទៃត្រង់គ្រាប់ភ្នែកទាំងសងខាងមានពណ៌ខុសគ្នា ដែលភ្នែកប្រភេទនេះគេហៅថា Heterochromia ហើយមនុស្សមួយចំនួនក៏មានភ្នែកចម្លែកបែបនេះដែរ តែកម្រឃើញណាស់។

គួរឲ្យដឹងផងដែរថា Sphynx កើតឡើងពីការបង្គាត់ពូជនៅកំឡុងទសវត្សទី ៦០ ដែលមានដំបូងនៅប្រទេសកាណាដា។ ឆ្មាប្រភេទនេះអាចមានទម្ងន់ចាប់ពី ៣ ទៅ ៦ គីឡូក្រាម ហើយវាមានអាយុជាមធ្យមពី ៨ ទៅ ១៤ ឆ្នាំ។ បើនិយាយពីតម្លៃរបស់វាវិញក៏មិនថោកដែរ អាចដល់ខ្ទង់ពាន់ដុល្លារ៕

សូមទស្សនារូបភាពក្រោម៖