រាជធានីភ្នំពេញ៖ កាលពីពេលកន្លងទៅថ្មីៗនេះ ក្រុមហ៊ុន Agile Naki Property បានរៀបចំពិធីចុះហត្ថលេខាលើកិច្ចព្រមព្រៀងក្នុងភាពជាដៃគូជាមួយ Agile A-Living ដែលក្រុមហ៊ុនអចលនទ្រព្យឈានមុខគេលំដាប់ទី៧ ក្នុងប្រទេសចិន ដើម្បីផ្តល់ជូននូវឱកាសវិនិយោគថ្មីៗជាមួយនឹងគុណភាពខ្ពស់នៅក្នុងតំបន់ដែលមានសក្តានុពលបឹងកេងកង ក៏ដូចជាផ្តល់ជូននូវជម្រើសនៃការរស់នៅដ៏សម្បូរបែបជាមួយនឹងសេវាកម្មប្រកបដោយវិជ្ជាជីវៈ និងការយកចិត្តទុកដាក់ដល់អតិថិជននៅក្នុងប្រទេសកម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រយៈពេល ២២ ឆ្នាំមកហើយ ចាប់តាំងពី Agile A-Living បង្កើតឡើង។ Agile A-Living បានមើលឃើញពីការអភិវឌ្ឍ និងការផ្លាស់ប្តូរក្នុងការបង្កើតក្តីសុបិន្តសម្រាប់គ្រប់ក្រុមគ្រួសារ។ Agile A-Living ក៏មានការយល់ដឹងច្បាស់លាស់អំពីឥទ្ធិពល និងការផ្លាស់ប្តូរក្នុងការអភិវឌ្ឍសង្គមគ្រួសារទាំងអស់ផងដែរ។
កញ្ញា Wu នាយកប្រតិបត្តិក្រុមហ៊ុន Agile A-Living មានប្រសាសន៍ថា៖
«ប្រជាជនត្រូវការអភិវឌ្ឍន៍ពីធម្មតា ឆ្ពោះទៅកាន់គុណភាពជីវិតកាន់តែប្រសើរ។ Agile Group ក៏បានប្រឹងប្រែង រឹះគិតបង្កើតគំនិតច្នៃប្រឌិតថ្មីៗដើម្បីការផ្លាស់ប្តូរទាំងអស់នោះ ចាប់តាំងពីឆ្នាំ១៩៩៧ មកម្ល៉េះ។ ជាមួយនឹងចក្ខុវិស័យក្នុងការក្លាយជាក្រុមហ៊ុនគ្រប់គ្រងអចលនទ្រព្យ និងបែបផែននៃការរស់នៅដ៏ល្អឥតខ្ចោះលំដាប់កំពូល យើងបានបង្កើតគម្រោង ដែលផ្តល់នូវរបៀបរស់នៅដ៏ប្រណីត ដែលផ្តល់នូវស្តង់ដារស់នៅកម្រិតអន្តរជាតិ ក៏ដូចជាគ្រប់គ្រងគម្រោងផ្សេងៗជាង ៧០០គម្រោង»។
ក្នុងនោះផងដែរ ភាពជាដៃគូនេះ នឹងរួមបញ្ចូលគ្នានូវវប្បធម៌របស់ប្រទេសកម្ពុជា និងអន្ដរជាតិ ជាមួយនឹងតម្រូវការរបស់អតិថិជនក្នុងតំបន់ និងផ្តល់ជូនអតិថិជនទាំងអស់ នូវសេវាកម្មដែលមានលក្ខណៈស្តង់ដារអន្តរជាតិ គ្រឿងបរិក្ខាទំនើប និងផ្តល់នូវសុខមាលភាពរបស់មាតាបិតា-ទារក សុខភាព មុខជំនួញ ការកម្សាន្ត និងសកម្មភាពផ្សេងៗជាច្រើនទៀត។
លោក Lee នាយកប្រតិបត្តិក្រុមហ៊ុន Agile Naki Property បានបញ្ជាក់ថា៖
«យើងចង់កសាងរបៀបនៃការរស់នៅដ៏ល្អប្រសើរ និងបង្កើតឲ្យមាននូវទំនាក់ទំនងដ៏រឹងមាំ រវាងការជឿទុកចិត្តគ្នា។ យើងអាចផ្តល់ឲ្យអតិថិជនទាំងអស់នូវឱកាសក្នុងការប្រាស្រ័យទាក់ទងគ្នារាប់អានគ្នាទៅវិញទៅមក និងទទួលបានតុល្យភាពរវាងគ្រួសារ និងអាជីពការងារ ធ្វើយ៉ាងណាឲ្យពួកគេទទួលបានគុណភាពជីវិត ដែលពោរពេញដោយផាសុកភាព និងភាពរីករាយ»។
លោក Lee បន្ថែមថា៖
«នៅថ្ងៃអនាគត Agile Group នឹងបន្តលើកកម្ពស់ដល់ការអភិវឌ្ឍ របៀបរស់នៅឲ្យកាន់តែប្រសើរ និងនាំមកនូវបទពិសោធន៍រស់នៅ និងសេវាកម្មដ៏ល្អឥតខ្ចោះសម្រាប់គ្រួសារទាំងអស់នៅក្នុងប្រទេសកម្ពុជា»។
Bong I.T