មិនសរសើរមិនបាន! Ronaldo លេងត្រេះបាល់ជាមួយក្មេងពិការជើងទាំងសងខាង ពិតជាគួរឲ្យគោរព (មានវីដេអូ)

ឌូបៃ៖ កំពូលខ្សែប្រយុទ្ធ Cristiano Ronaldo គឺជាកីឡាករមួយរូបដែលមានឈ្មោះបោះសំឡេងខ្លាំង និងតែងតែចូលរួមការប្រកួតធំៗលំដាប់ពិភពលោកទាំងជាមួយក្លិប និងក្រុមជម្រើសជាតិព័រទុយហ្គាល់របស់គេ។

យ៉ាងណាមិញ វីដេអូមួយបានបង្ហោះនៅលើបណ្ដាញសង្គមកាលពីពេលថ្មីកន្លងទៅ Ronaldo បានមកលេងត្រេះបាល់ជាមួយនិងក្មេងពិការជើងម្នាក់។ ក្មេងម្នាក់នោះមានឈ្មោះថា Ali Turganbekov ជនជាតិកាហ្សាក់ស្ថាន។ ក្មេងប្រុសម្នាក់នេះកើតមកដោយមិនមានជើងទាំងសងខាង ប៉ុន្តែគេជាក្មេងម្នាក់ដែលស្រឡាញ់បាល់ទាត់ខ្លាំង។

នៅក្នុងវីដេអូរយៈពេលប្រមាណជា១នាទីជាង ខ្សែប្រយុទ្ធជួរមុខរបស់ Juventus បានយកជើងត្រេះបាល់ ខណៈក្មេងប្រុស Ali បានប្រើក្បាលដើម្បីត្រេះបាល់លេងជាមួយនិង Idol របស់ខ្លួនអមដោយអារម្មណ៍រំភើប។ ក្រោយលេងចប់ Ali ក៏បានទៅឱប និងសុំថតរូបជាមួយ Ronaldo ខណៈកីឡាកររហស្សនាម CR7 ក៏បានបង្ហាញអារម្មណ៍ស្រឡាញ់ទៅលើក្មេងប្រុសម្នាក់នេះដូចគ្នា៕

ចង់ឃើញថា Ronaldo ត្រេះបាល់ជាមួយក្មេងប្រុស Ali យ៉ាងណានោះ សូមទស្សនាវីដេអូខាងក្រោមទាំងអស់គ្នា៖