អេស្ប៉ាញ៖ យោងតាមកាសែត Marca របស់ប្រទេសអេស្ប៉ាញបានឲ្យដឹងថា ខ្សែប្រយុទ្ធសញ្ជាតិបារាំងកីឡាករ Karim Benzema បានយល់ព្រមបន្តកុងត្រាថ្មីជាមួយ Real Madrid ខណៈការប្រកាសជាផ្លូវការនឹងធ្វើឡើងនៅរដូវក្ដៅឆ្នាំក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពី២ឆ្នាំមុន Benzema បានបន្តកុងត្រាជាមួយ Real Madrid ម្ដងរួចទៅហើយ ដោយកិច្ចសន្យាបច្ចុប្បន្ននឹងផុតកំណត់នារដូវក្ដៅឆ្នាំ២០២១ ខាងមុខ។
ប្រភពដដែលបានបន្ថែមទៀតថា កុងត្រាថ្មីរបស់ខ្សែប្រយុទ្ធវ័យ៣១ឆ្នាំរូបនេះនឹងបន្តយ៉ាងហោចណាស់១២ខែទៀត តែ Real Madrid មានគំនិតចង់បន្ថែមរហូតដល់ឆ្នាំ២០២៣តែម្ដង។
គួរឲ្យដឹងដែរថា Benzema នៅតែដើរតួរសំខាន់ក្នុងតំបន់ប្រយុទ្ធរបស់លោក Zidane រដូវកាលនេះ ក្រោយខ្សែប្រយុទ្ធចំណូលថ្មីតម្លៃ៦០លានអឺរ៉ូកីឡាករ Luka Jovic បង្ហាញទម្រង់លេងមិនបានល្អ ហើយបើតាមរបាយការណ៍បានឲ្យដឹងថា Jovic ត្រូវបានក្លិបនៅ Premier League ចាប់អារម្មណ៍ចង់បាននៅទីផ្សារដោះដូរខែមករាខាងមុខ ក្នុងលក្ខខណ្ឌខ្ចីជើង៕
ប្រភព៖ football-espana