ក្រសួងសេដ្ឋកិច្ចនឹងចាត់វិធានការតាមច្បាប់ចំពោះក្រុមហ៊ុនកាស៊ីណូណានៅតែបន្តអាជីវកម្មល្បែងភ្នាល់តាមម៉ាស៊ីនអឡិចត្រូនិក នៅដើមឆ្នាំ២០២០

//s5.kh1.co/f5/f515695e3f610f0f7078378e85e89bca1c3aa2f1.jpg
Khmerhome

 ៣០-ធ្នូ-២០១៩ ៤ល្ងាច · ៤ ឆ្នាំមុន

https://s5.kh1.co/__image/w=650,h=650,q=100/f5/f515695e3f610f0f7078378e85e89bca1c3aa2f1.jpg
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ បានណែនាំទៅ ម្ចាស់ក្រុមហ៊ុនកាស៊ីណូទាំង ត្រូវបញ្ឈប់ការប្រកបអាជីវកម្មល្បែងភ្នាល់តាមម៉ាស៊ីមអេឡិចត្រូនិក តាមរយៈអ៊ិនធឺណិតអនឡាញ ក្នុងនិងក្រៅប្រទេស នៅកម្ពុជា ចាប់ពីថ្ងៃទី១ ខែមករា ឆ្នាំ២០២០ជាកហិត។ ករណីមិនអនុវត្តការណែនាំនេះ គណៈកម្មការចម្រុះបង្ក្រាបការលេងល្បែងកាស៊ីណូ ឆ្នោតឡូតូ ភ្នាល់អនឡាញខុសច្បាប់គ្រប់ប្រភេទ នឹងចាត់វិធានការតាមផ្លូវច្បាប់ជាមិនខាន។ បើយោងតាមការណែនាំរបស់ក្រសួងសេដ្ឋកិច្ចថ្ងៃទី២៦ ខែធ្នូ នេះ។

បញ្ឈប់ការបន្តសុពលភាព និងផ្ដល់អាជ្ញាបណ្ណអាជីវកម្មល្បែលភ្នាល់អនឡាញ ចាប់ពិថ្ងៃទី១៨ ខែសីហា ឆ្នាំ២០១៩។ បើយោងតាមសារាចរណែនាំរបស់រាជរដ្ឋាភិបាល ដែលក្រសួងសេដ្ឋកិច្ច និងហិរញ្ញវត្ថុ ដាក់ចេញវិធានការ ២ខាងលើ បានបន្តថា សារាចរខាងលើរបស់រាជរដ្ឋាភិបាល គឺ «ស្ដីពីការពង្រឹងការក្រប់គ្រងអាជីវកម្មល្បែងភ្នាល់តាមម៉ាស៊ីនអនឡាញតាមរយៈអ៊ិនធឺណិតក្នុង និងក្រៅប្រទេស និងគ្រប់រូបភាពនៅកម្ពុជា»។

សារាចររបស់រាជរដ្ឋាភិបាលដដែលបានឡើងថា កន្លងមករាជរដ្ឋាភិបាលសង្កេតឃើញ សក ម្មភាពល្បែងភ្នាល់ម៉ាស៊ីនអនឡាញតាមរយៈអ៊ិនធឺណិត ក្នុងនិងក្រៅប្រទេសមួយចំនួនបានការអនុញ្ញាត ប៉ុន្តែមួយចំនួនទៀតបានលួចលាក់ធ្វើសកម្មភាពនៅតាមទីតាំងផ្សេងៗគ្នា ហើយពួកឧក្រិដ្ឋជនបរទេសមួយចំនួន បានជ្រកក្រោមភាពប្រភេទនេះ ដើម្បីធ្វើសកម្មភាពល្មើសច្បាប់ បង្កផលប៉ះពាល់ដល់សន្តិសុខ សណ្ដាប់សង្គម ក៏ដូចជាជនរងគ្រោះជាច្រើនទៀត។

https://s5.kh1.co/__image/w=650,h=434,q=100/85/858e2368988df470eb9f6aa32c67164fa2100b7e.jpg

ជារួមសារាចរខាងលើបាន បញ្ជាទៅមន្រ្តីនគរបាលយិត្តិធម៌ គ្រប់ប្រភេទ និងគ្រប់លំដាប់ថ្នាក់ត្រូវតែបង្កា្របករណីដែលបានលើកឡើង។ ជាមួយគ្នានេះដែរ ក្រសួងសេដ្ឋកិច្ច មិនត្រូវផ្ដល់អាជ្ញាបណ្ណ ឬបន្តសុតពលភាពអនុញ្ញាឱ្យប្រកបអាជីវកម្មប្រភេទនេះបន្តទៅទៀតឡើយ។ ម្យ៉ាងវិញទៀត រាជរដ្ឋាភិបាលបញ្ឈប់គោលការណ៍ មិនអនុញ្ញាតឱ្យប្រកបអាជីវកម្មល្បែងភ្នាល់ដូចដែលបានរៀបរាប់ខាងលើទៀតទេ។ «ក្រសួង ក៏ដូចជាស្ថាប័នពាក់ព័ន្ធទាំងអស់ ត្រូវចាត់វិធានការឱ្យបានម៉ឺងម៉ាត់»។ ជាការសង្កត់ធ្ងន់ក្នុងសារាចរណែដដែល៕

Khmerhome
Khmerhome

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T