ប្រជាជននៅប្រទេសបង់ក្លាដែសជាច្រើនបានស្លាប់ដោយសារអាកាសធាតុចុះត្រជាក់ខ្លាំងពេកដល់ជាង ៤ អង្សារ

បង់ក្លាដែស៖ នៅចុងឆ្នាំ ២០១៩ ឈានចូលដើមឆ្នាំ ២០២០ នេះមានប្រទេសមួយចំនួនកំពុងមានការប្រកាសអាសន្ន។

ជាក់ស្ដែងប្រទេសអូស្ត្រាលីកំពុងជួបប្រទះនឹងអាកាសធាតុក្តៅខ្លាំង ដែលបណា្ដលឲ្យមានភ្លើងឆេះព្រៃ។ ទន្ទឹមនឹងនេះ នៅប្រទេសបង់ក្លាដែស ​​​​​​​​​​​​​​​​ឯណោះវិញក៏មានអាកាសធាតុចុះត្រជាក់ខ្លាំងណាស់ដែរ ពោលគឺប្រហែល ៤.៥ អង្សារ ដែលយ៉ាងហោចណាស់មានមនុស្សប្រមាណ ៥០ នាក់បានស្លាប់បាត់បង់ជីវិត ដោយគិតចាប់ពីថ្ងៃទី ១ ខែវិច្ឆិកា ដល់ថ្ងៃទី ២៨ ខែធ្នូ។ ក្នុងនោះ ចំនួន ១៧ នាក់បានស្លាប់ដោយសារការឆ្លងមេរោគតាមរយៈខ្យល់ដង្ហើម និង ៣៣ នាក់ផ្សេងទៀតបណ្ដាលមកពីជំងឺរាគរូស ដែលបង្កឡើងដោយវីរុស Rotavirus និងរួមមានជំងឺផ្សេងទៀត នៅទូទាំងប្រទេសបង់ក្លាដែស។

នេះបើតាមសម្ដីរបស់លោកស្រី Akhter បានប្រាប់ឲ្យដឹងថា ភាគច្រើននៃអ្នកជំងឺ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​គឺផ្ដាសាយ ខ្វះជាតិទឹក និងជំងឺរលាកសួតជាដើម។ លោកស្រីបានបន្តថា អ្នកដែលឈឺភាគច្រើនសុទ្ធសឹងតែជាអ្នកដែលរកចំណូលបានទាប ជាពិសេសកម្មករគឺទទួលរងនូវអាកាសធាតុត្រជាក់ ដោយសារពួកគេខ្វះខាតសម្លៀកបំពាក់។ មួយវិញទៀត កុមារ និងមនុស្សចាស់ងាយនឹងកើតជំងឺរលាកសួតជាងគេ៕

សូមទស្សនារូបភាពខាងក្រោម៖