បរទេស៖ លោក Sterling Backus អាយុ ៥៤ ឆ្នាំនិងកូនប្រុសអាយុ ១២ ឆ្នាំ Xander បានលេងវីដេអូហ្គេមប្រណាំងរថយន្ត "Forza Horizon 3" ហើយថ្ងៃមួយ Xander បានសួរឪពុកថា តើវានឹងល្អយ៉ាងទៅបើយើងអាចផលិតរថយន្តដែលយើងចូលចិត្តបានដូចជា Lamborghini Aventador ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Backus ដែលជារូបវិទូនៅ Thorlabs បានប្រាប់ CNN ថាគាត់ជាអ្នកគាំទ្រ Lamborghini ហើយគាត់ក៏មិនស្ទាក់ស្ទើរដែរ ពេលកូនប្រុសរបស់គាត់បានសួរបែបនេះ។
អ្នកទាំងពីរបានចាប់ផ្តើមធ្វើគម្រោងប្រកបដោយមហិច្ឆតានៅខែកុម្ភៈ ឆ្នាំ២០១៨។ ជាលទ្ធផលដ៏គួរឱ្យភ្ញាក់ផ្អើលបំផុត កាលពី២ខែមុនលោកស្រី Katia Bassi ដែលជាប្រធានផ្នែកទីផ្សារនៃក្រុមហ៊ុន Automobili Lamborghini បានធ្វើការទំនាក់ទំនងតាមទូរស័ព្ទទៅគាត់។
លោក Backus បានប្រាប់ CNN ថា "ខ្ញុំចាប់ផ្តើមញ័រដៃព្រោះវាហាក់បីដូចជាបានទទួលការហៅពីសម្តេចប៉ាប ហ្វ្រង់ស៊ីស ហើយគាត់ក៏នឹងមកទទួលទានអាហារពេលល្ងាចនៅទីនេះដែរ"។
លោកស្រី Bassi បានប្រាប់លោក Backus ថាក្រុមហ៊ុនចង់ថតពាណិជ្ជកម្មថ្ងៃឈប់សម្រាកជាមួយគ្រួសាររបស់គាត់។ លើសពីនេះទៀត ពួកយើងនឹងខ្ចីរថយន្ត Lamborghini Aventador S រយៈពេលពីរសប្តាហ៍។
កាលពីឆ្នាំមុនគ្រឿងរថយន្ត Lamborghini Aventador ចំនួន ៦៤៩ គ្រឿងត្រូវបានលក់ចេញ។ នេះបើយោងតាមក្រុមហ៊ុនផលិតរថយន្តបានឱ្យដឹងថា រថយន្ត Aventador S Roadster ដែលបានឱ្យទៅគ្រួសារលោក Backus ខ្ចីគឺមានតម្លៃប្រហែល ៤៦០,២៤៧ ដុល្លារ។
លោក Backus បាននិយាយថា គាត់បើករថយន្ត Aventador ជារៀងរាល់ថ្ងៃហើយថា "ភាពសប្បុរសដ៏អស្ចារ្យរបស់ពួកគេនឹងមិនត្រូវបានគេបំភ្លេចចោលឡើយ" ។
លោក Backus បានប្រើគំរូរថយន្តជ័រដែលគាត់បានពង្រីកនៅក្នុងកម្មវិធីឌីជីថល Solidworks ដើម្បីព្រីន 3D នៃផ្នែកជាច្រើនចេញមកក្រៅសម្រាប់គម្រោងរថយន្តរបស់គាត់។
រហូតមកដល់ពេលនេះលោក Backus បានចំណាយថវិកាប្រមាណ ២៣,០០០ ដុល្លារហើយលើគម្រោងនេះ និងបញ្ចប់វានៅខែសីហាដើម្បីចូលរួមកម្មវិធីដាក់តាំងបង្ហាញរថយន្តខ្នាតធំក្នុងស្រុក៕