ចិន៖ ថ្មីៗកន្លងទៅនេះ ឆ្មាមួយក្បាល ត្រូវបានគេប្រទះឃើញអង្គុយហាលថ្ងៃជាមួយកណ្ដុរយ៉ាងរំភើយនៅកីឡដ្ឋានក្នុងទីក្រុង Hangzhou ក្រោយពីមេឃភ្លៀងអស់រយៈពេល១០ថ្ងៃកន្លងមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូមួយដែលថតឡើងដោយលោក Chai បានបង្ហាញឲ្យឃើញថា ឆ្មាពណ៌សមួយក្បាលបានងាកមើលឆ្វេងស្ដាំ ហើយក៏ចាប់អារម្មណ៍ឃើញកណ្ដុរនៅក្បែរវា។ បន្ទាប់មក វាក៏យកក្រញាំទៅប៉ះកណ្ដុរថ្មមៗ ខណៈឯកណ្ដុរកំពុងនៅស្ងៀមដោយមិនមានប្រត្តិកម្មអ្វីឡើយ។
លោក Chai បានឲ្យដឹងដែរថា គាត់បានឃើញឆ្មានិងកណ្ដុរទាំងពីរក្បាល នាវេលាម៉ោង២រសៀល កំឡុងពេលកំពុងធ្វើដំណើរទៅធ្វើការ ហើយគាត់មិនបានដឹងច្បាស់ទេថា ឆ្មាជួបកណ្ដុរដោយចៃដន្យ ឬវាជាអ្នកនាំកណ្ដុរមកហាលថ្ងៃជាមួយគ្នានោះទេ។
ក្រោយពីវីដេអូត្រូវបានបង្ហោះទៅលើបណ្ដាញសង្គម Weibo រួចមក ទទួលបានការចាប់អារម្មណ៍យ៉ាងខ្លាំង និងមានអ្នកចូលទស្សនាចំនួន៧លានដងត្រឹមតែរយៈពេលប៉ុន្មានម៉ោងប៉ុណ្ណោះ។ ជុំវិញវីដេអូនេះដែរ ធ្វើឲ្យមហាជនជាច្រើននឹកគិតទៅដល់គំនូរជីវចលរឿងឆ្មានិងកណ្ដុរទៀតផង៕
សូមទស្សនារូបភាពនិងវីដេអូខាងក្រោម៖