អង់គ្លេស៖ ក្រោមក្រសែភ្នែកអ្នកគាំទ្រចូលរួមទស្សនាជាង ៥ម៉ឺននាក់នៅកីឡដ្ឋាន Anfield ម្ចាស់ផ្ទះ Liverpool រកបាន ៣ពិន្ទុពីការប្រកួតក្នុងក្របខណ្ឌ Premier League យប់មិញ ក្រោយយកឈ្នះក្រុមភ្ញៀវ Wolverhampton ដោយលទ្ធផល ១ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រាប់បាល់តែមួយគត់ក្នុងការប្រកួតនោះ កើតឡើងនៅនាទីទី៤២ ដោយការស៊ុតរបស់ខ្សែប្រយុទ្ធជួរមុខ Sadio Mane បន្ទាប់ពីទទួលបាល់តែតបញ្ជូនយ៉ាងល្អពីមិត្តរួមក្រុម Adam Lallana។ តាមពិតទៅនៅក្នុងម៉ោងបន្ថែមវគ្គទី១ Wolves ក៏មានឱកាសសម្រេចគ្រាប់បាល់បាន១គ្រាប់ដែរដោយកីឡាករ Pedro Neto ប៉ុន្តែ VAR បានចាប់បាល់បាល់នោះស្ថិតនៅជំហរក្រៅល្បែង (Offside)។
ចូលដល់វគ្គទី២ បើទោះបីជាមានការសម្រុកគ្នាខ្លាំង ប៉ុន្តែក្រោមទាំងពីរមិនអាចទម្លុះសំណាញ់ទីគ្នាបានោះទេ។ បញ្ចប់ការប្រកួត៩០នាទី Liverpool ឈ្នះ Wolves ១-០។
ចំណែកឯលទ្ធផល ២គូផ្សេងកាលពីយប់មិញ៖
- Arsenal ១-២ Chelsea
- Manchester City ២-០ Sheffield United
គិតមកទល់នេះ Liverpool កំពុងឈរនៅកំពូលតារាងក្របខណ្ឌ Premier League មាន៥៥ពិន្ទុ ខណៈ Leicester City ឈរនៅលេខ២ មាន៤២ពិន្ទុ ចំណែកឯជើងឯកឆ្នាំចាស់ Manchester City ឈរនៅលេខ៣ មាន៤១ពិន្ទុ ហើយលើសពីនេះទៅទៀតក្រុមរបស់លោក Jurgen Klopp នៅសល់មួយប្រកួតក្នុងដៃផងដែរ៕