អាល្លឺម៉ង់៖ ក្លិបបាល់ទាត់ Borrusia Dortmund បានប្រកាសជាផ្លូវការក្នុងការនាំចូលខ្សែប្រយុទ្ធថ្មីបន្ថែមមួយរូបទៀតគឺកីឡាករ Erling Braut Haaland ពីក្លិប Red Bull Salzburg ក្នុងកិច្ចសន្យារយៈពេលបួនឆ្នាំកន្លះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធជម្រើសជាតិន័រវេសរូបនេះបានលេចឭដំណឹងជាច្រើនមកថា Manchester United ចាប់អារម្មណ៍ចង់បានរូបគេជាខ្លាំង ខណៈ Juventus និង RB Leipzig និងបណ្ដាក្លិបមួយចំនួនទៀតក៏ចាប់អារម្មណ៍រូបគេផងដែរ ក្រោយគេបានបង្ហាញទម្រង់លេងយ៉ាងលេចធ្លោកាលពីការប្រកួតវគ្គសន្សំពិន្ទុក្នុងពូលពានរង្វាន់ Champions League កន្លងទៅ។
Haaland នឹងមកចូលរួមជាផ្លូវការក្នុងនាមជាកីឡាកររបស់ជើងខ្លាំងអាល្លឺម៉ង់ Dortmund នៅថ្ងៃទី០៣ ខែមករា ឆ្នាំ២០២០ ខាងមុខ អមដោយតម្លៃនៃការផ្ទេរគឺ ១៨លានផោន។
គួរឲ្យដឹងដែរថា ខ្សែប្រយុទ្ធវ័យ១៩ឆ្នាំ Haaland រកបាន២៨គ្រាប់ ក្នុងចំណោមការបង្ហាញខ្លួន២២ប្រកួតឲ្យ Red Bull Salzburg នៅរដូវកាលនេះ ហើយរឹតតែពិសេសទៀតនោះគឺគេអាចរកបានដល់ទៅ៨គ្រាប់ ពី៦ប្រកួតក្នុងវគ្គសន្សំពិន្ទុតាមពូលពានរង្វាន់ Champions League៕
ប្រភព៖ AF