អង់គ្លេស៖ ក្រុមមាន់ខ្នាយមាស Tottenham Hotspur ទទួលបានត្រឹម១ពិន្ទុពីការប្រកួតសប្ដាហ៍ទី២០ ក្របខណ្ឌ Premier League កាលពីយប់មិញ ក្រោយស្មើគ្នាជាមួយម្ចាស់ផ្ទះ Norwich City ២ទល់នឹង២។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវគ្គទី១ មានគ្រាប់បាល់តែ១គ្រាប់ប៉ុណ្ណោះគឺ Norwich ជាអ្នកបើកការនាំមុខមុនដោយគ្រាប់បាល់របស់កីឡាករ Vrancic នៅនាទីទី១៨។ ចូលដល់វគ្គទី២ នាទីទី៥៥ Spurs បានវាយបកតាមស្មើវិញដែលធ្វើបានសម្រេចដោយការទាត់បាល់ Free-Kick បញ្ចូលទីយ៉ាងល្អពីសំណាក់ខ្សែបម្រើ Christian Eriksen ។
បានត្រឹមតែ៦នាទីបន្ទាប់ នៅនាទីទី៥១ Norwich បានបន្តនាំមុខជាថ្មី បន្ទាប់ពីខ្សែការពារ Aurier ធ្វើឲ្យចូលទីខ្លួនឯង។ ការប្រកួតអូសបន្លាយដល់នាទីទី៨៣ទើបខ្សែប្រយុទ្ធជួរមុខ Harry Kane ស៊ុតបាល់ពិន័យ១១ម៉ែត្រតាមស្មើឲ្យ Spurs វិញ។
ស្ថិតិនៃការប្រកួតបង្ហាញថា Spurs មានឱកាសគ្រប់គ្រងបាល់ដល់ទៅ៦០% និងអាចស៊ុតដល់ទៅ៩លើក ចំគោលដៅ៧លើក និងខុសគោលដៅ២លើក ខណៈ Norwich City មានឱកាសស៊ុតចំគោលដៅ២លើក និងខុសគោលដៅ២លើកប៉ុណ្ណោះ។
គិតត្រឹម២០ប្រកួតក្នុងក្របខណ្ឌ Premier League រដូវកាលនេះ Spurs ឈរនៅលេខ៦ មាន៣០ពិន្ទុ ខណៈ Norwich City ឈរនៅបាតតារាងលេខ២០ មានត្រឹម១៣ពិន្ទុ៕