ខ្លួនតូចតែខ្លឹម! បទដំបូងរបស់​ ចាន់​ សុបញ្ញា​ ល្បីកប់​ សន្ទុះអ្នកចូលមើលដូចបាក់ទំនប់​រហូតដល់....ត្រឹមរយៈពេល២ថ្ងៃ (មានចម្រៀង)

ភ្នំពេញ៖ បើនិយាយពីបទចម្រៀងដំបូងមានចំណងជើងថា “ស្រលាញ់អ្នកណាក៏គេមានសង្សារ” របស់ ម្ចាស់ជ័យលាភី X Factor Cambodia រដូវកាលទី១ ក៏ដូចជាតារាចម្រៀងវ័យក្មេងប្រចាំផលិតកម្មរស្មីហង្សមាស ប្អូន ចាន់ សុបញ្ញា ប្រិយមិត្តមួយភាគធំច្បាស់ជាស្គាល់ហើយ ព្រោះថាបទចម្រៀងថ្មីមួយបទនោះ ពិតជាទទួលការចាប់អារម្មណ៍មិនតិចនោះទេ ពីសំណាក់អ្នកគាំទ្រ ក៏ដូចជាមហាជន។

យ៉ាងណាមិញ សម្រាប់បទចម្រៀងថ្មីមួយបទនេះដែរ អ្នកគាំទ្រសង្កេតថា ទទួលបានការចូលមើលគួរឲ្យកត់សម្គាល់នៅលើបណ្តាញសង្គម ដោយត្រឹមតែរយៈពេល២ថ្ងៃ បទចម្រៀងនេះ ទទួលបានការ Share រហូតដល់ ៤០ម៉ឺនដង ឯចំណែកអ្នកចូលមើល និងស្តាប់បទចម្រៀងនេះ កើនរហូតដល់ ១លានដងឯណោះ។

ទោះជាយ៉ាងណាក្តី ទាំងនេះបានបង្ហាញពីភាពជោគជ័យមួយ របស់តារាវ័យក្មេងរូបនេះ ដែលទទួលការគាំទ្រដូចបាក់ទំនប់សម្រាប់បទថ្មីរបស់ខ្លួន។ ម៉្យាងវិញទៀត ទាំងនេះក៏បញ្ជាក់ឲ្យឃើញថា តារារូបនេះនាថ្ងៃមុខនឹងទទួលការគាំទ្រមិនចាញ់តារាៗជំនាន់មុនដែលជារៀមច្បងរបស់ខ្លួននោះទេ៕

តើប្រិយមិត្តយល់យ៉ាងណាដែរ?

ចង់ដឹងថាបទថ្មីរបស់ បញ្ញា ពីរោះកម្រិតណានោះ តោះទស្សនាវីដេអូខាងក្រោម៖