អង់គ្លេស៖ កំពូលខ្សែប្រយុទ្ធប្រចាំក្របខណ្ឌ Premier League និងជាអតីតកីឡាករឆ្នើមរបស់ក្លិប Newcastle United លោក Alan Shearer បានសរសើរមិនដាច់ពីមាត់ពីទម្រង់លេងរបស់ខ្សែការពារស្ដាំរបស់ក្រុមហង្សក្រហម Liverpool កីឡាករ Trent Alexander-Arnold កាលពីប្រកួតទល់នឹងក្រុម Leicester City ថា ជម្រើសជាតិអង់គ្លេសវ័យក្មេងរូបនេះលេងកាន់តែល្អទៅៗហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Arnold បានដើរតួយ៉ាងសំខាន់ក្នុងការជួយក្រុម Liverpool ប្រកួតយកឈ្នះក្រុម Leicester City ៤-០ កាលពីថ្ងៃព្រហស្បតិ៍កន្លងទៅ ដោយរូបគេស៊ុតបញ្ចូលទីបាន១គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន២ដង។
ក្នុងនោះដែរលោក Alan Shearer បានសរសើរពីទម្រង់លេងរបស់ខ្សែការពារវ័យ២១ឆ្នាំរូបនេះថា៖
"Alexander-Arnold បានបង្ហាញឲ្យឃើញថាគាត់ជាកីឡាករនាំលេងឆ្នើម១រូបក្នុងចំណោមកីឡាករល្អៗដទៃទៀតក្នុងលីគ ហើយខ្សែការពារស្លាបស្ដាំរូបនេះបានបង្ហាញទម្រង់លេងយ៉ាងលេចធ្លោពេលលេងទល់នឹង Leicester ជាមួយការស៊ុតបញ្ចូលទី១គ្រាប់ដ៏អស្ចារ្យនិងបញ្ជូនបាល់ឲ្យមិត្តរួមក្រុមសម្រេចទី២ដង។ សម្ថភាពយុវជនថ្នាលរបស់ Liverpool រូបនេះកាន់តែប្រសើឡើងៗហើយ។"
គួរឲ្យដឹងដែរថា Arnold ត្រូវបាន Liverpool តម្លើងឲ្យមកលេងក្នុងឈុតធំកាលពីឆ្នាំ២០១៦ ដោយបង្ហាញខ្លួនសរុបបានចំនួន១១២ប្រកួត ស៊ុតបញ្ចូលទីបាន៦គ្រាប់និង Assists ឲ្យមិត្តរួមក្រុមបាន៣០ដង ហើយកាលពីពេលថ្មីៗនេះ រូបគេក៏បានរួមចំណែកជួយក្រុមឈ្នះពានរង្វាន់ Club World Cup ផងដែរ៕
Bong I.T