រាជធានីភ្នំពេញ ៖ បុរស២នាក់សន្លប់ស្តូកស្ដឹង ដោយសាររថយន្ដតាក់ស៊ីម៉ែត្រ ពណ៌ស បើកឆ្លងផ្លូវបុកគ្នាជាមួយម៉ូតូវ៉េវប៉ើងទៅលើមាត់របងចូលវិទ្យាល័យបឹងត្របែកតាមបណ្តោយវិថីព្រះមុនីវង្សកែង៤៨៤ ក្នុងសង្កាត់ទន្លេបាសាក់ ខណ្ឌ ចំការមន កាលពីវេលាម៉ោង៥ទៀបភ្លឺ ថ្ងៃទី២៧ មីនា ។
ប្រភពព័ត៌មានបានឱ្យដឹងថា រថយន្ដតាក់ស៊ីម៉ែត្រ ពណ៌ស បើកតាមផ្លូវលេខ៤៨៤ ពីលិចទៅកើតឆ្លងកាត់វិថីព្រះមុនីវង្ស ចំណែកម៉ូតូវ៉េវ ពណ៌ក្រហម ជិះគ្នា២នាក់ បើកតាមវិថីព្រះមុនីវង្សពីជើងទៅត្បូង ។ លុះមកដល់ចំណុចកើតហេតុ ស្រាប់តែបុកគ្នាលាន់ដូចរន្ទះ ហើយម៉ូតូប៉ើងទៅលើមាត់របងចូលវិទ្យាល័យបឹងត្របែក ចំណែកអ្នកជិះសន្លប់ស្ដូកស្ដឹងទាំងពីរនាក់ ។ រីឯរថយន្ដព្យាយាមបើករត់គេចតាមវិថីព្រះមុនីវង្សទៅទិសខាងត្បូងបាត់ស្រមោល ។ តែជាអកុសលជ្រុះស្លាកលេខនៅជាប់នឹងកាងរថយន្ដបន្សល់ទុកនៅកន្លែងកើតហេតុ ។ ដោយឡែកម៉ូតូជនរងគ្រោះរងការខូចខាតស្ទើរទាំងស្រុង ។
ជនរងគ្រោះទាំងពីរនាក់ត្រូវរថយន្ដសង្គ្រោះគ្លីនិកឯកជនដឹកយកទៅព្យាបាល ចំណែកម៉ូតូព្រមទាំងស្លាកលេខ និងកាងរថយន្ដត្រូវសមត្ថកិច្ចយកទៅរក្សាទុកនៅអធិការដ្ឋានខណ្ឌចំការមន ៕
ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]