អ៊ីតាលី៖ ខ្សែប្រយុទ្ធសញ្ជាតិស៊ុយអែតកីឡាករ Zlatan Ibrahimovic បានសម្រេចកិច្ចព្រមព្រៀងទៅចូលរួមជាមួយនឹងក្រុមបិសាចក្រមអ៊ីតាលី AC Milan ដោយគ្មានតម្លៃខ្លួន បន្ទាប់ពីចាកចេញពីក្លិប L.A. Galaxy។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្លិប AC Milan បានប្រកាសយ់ព្រមកិច្ចព្រមព្រៀងជាមួយនឹង Zlatan រហូតដល់បញ្ចប់រដូវកាល ជាមួយនឹងជម្រើសបន្ថែម១ឆ្នាំ។ ហើយខ្សែប្រយុទ្ធវ័យ ៣៨ឆ្នាំរូបនេះ នឹងធ្វើដំណើរមកធ្វើតេស្តសុខភាពនៅថ្ងៃទី២ខែមករាខាងមុខ។
This is not a drill ????⚫#IZBACK@Ibra_official pic.twitter.com/7lZuv552N8
— AC Milan (@acmilan) December 27, 2019
Zlatan បាននិយាយជុំវិញការវិលត្រលប់មកចូលរួមជាមួយ AC Milan វិញថា៖
"ខ្ញុំបានត្រឡប់មកក្លិបមួយដែលខ្ញុំគោរពយ៉ាងខ្លាំង ហើយខ្ញុំពិតជាស្រលាញ់ទីក្រុង Milan។ ខ្ញុំនឹងតស៊ូជាមួយមិត្តរួមក្រុមផ្លាស់ប្ដូរដំណើរក្នុងរដូវកាលនេះ។ ខ្ញុំនឹងធ្វើគ្រប់យ៉ាងដើម្បីឲ្យវាកើតឡើង។"
គួររម្លឹកផងដែរ ថា Zlatan ធ្លាប់មកលេងឲ្យ AC Milan កំឡុងឆ្នាំ២០១០ដល់ឆ្នាំ២០១២ កាលនោះរូបគេបង្ហាញខ្លួនសរុបបាន៨៥ប្រកួត ស៊ុតបញ្ចូលទីបាន៥៦គ្រាប់ និងធ្លាប់ជួយក្រុមបិសាចក្រហមអ៊ីតាលីមួយនេះលើកពាន Serie A ១ដង ពាន Super Cup ១ដង៕
Bong I.T