រុស្សី៖ រដ្ឋមន្ត្រីរបស់រុស្សីបាននិយាយកាលពីថ្ងៃសុក្រថា ការដាក់ពង្រាយបាលីស្ទីកអន្តរទ្វីបដំបូងបង្អស់របស់រុស្ស៊ី អាចជាផលប៉ះពាល់ចំពោះកងកម្លាំងការពារជាតិរបស់សហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទីភ្នាក់ងារសារព័ត៌មានរដ្ឋ Tass បានរាយការណ៍ថា រដ្ឋមន្ត្រីការពារជាតិរុស្ស៊ីលោក Sergei Shoigu បានជូនដំណឹងដល់ប្រធានាធិបតីរុស្ស៊ីលោក វ្ល៉ាឌីមៀរ ពូទីន ថាកងវរសេនាធំទីមួយផ្នែកមីស៊ីលនុយក្លេអ៊ែរ Avangard មានសមត្ថភាពអាចចាប់ផ្តើមបំពេញភារកិច្ចក្នុងការធ្វើសង្គ្រាមបាន។
លោកឧត្តមសេនីយ៍ Sergei Karakayev ប្រធានកងកំលាំងមីស៊ីលយុទ្ធសាស្ត្ររបស់រុស្ស៊ី ក៏បាននិយាយផងដែរថា មីស៊ីលទាំងនេះត្រូវបានគេដាក់ពង្រាយនៅតំបន់ Orenburg ភាគកណ្តាលរបស់ប្រទេសរុស្ស៊ី ដែលមានទីតាំងស្ថិតនៅតំបន់ភ្នំ Ural ចម្ងាយប្រមាណ ១៤៩៦ គីឡូម៉ែត្រពីភាគអាគ្នេយ៍ទីក្រុងមូស្គូ។
យោធារុស្ស៊ីបានបង្ហាញមីស៊ីល Avangard កាលពីខែមុន ដល់ក្រុមអធិការពីសហរដ្ឋអាមេរិក ដែលជាមួយផ្នែកនៃសន្ធិសញ្ញាត្រួតពិនិត្យអាវុធទ្វេភាគី ហើយប្រព័ន្ធមីស៊ីលនេះក៏ត្រូវបានប្រកាសផងដែរដោយលោក ពូទីន កាលពីឆ្នាំមុន។
យោងតាមរបាយការណ៍របស់ទីក្រុងម៉ូស្គូបានឱ្យដឹងទៀតថា អាវុធដ៏ខ្លាំងក្លានេះអាចផ្លាស់ទីបានលឿន ហើយអាចកម្ទេចមីស៊ីលរបស់អាមេរិក ដោយសារតែវាមានល្បឿនលឿនជាងសំឡេង ២០ ដង។
រដ្ឋមន្ត្រីការបរទេសរុស្ស៊ីលោក Sergei Lavrov បាននិយាយកាលពីសប្តាហ៍មុនថា ទីក្រុងមូស្គូមានឆន្ទៈរួមបញ្ចូលមីស៊ីល Avangard និងមីស៊ីល Sarmat ធន់ធ្ងន់នៅក្នុងការចរចាជាមួយសហរដ្ឋអាមេរិក ដើម្បីពង្រីកសន្ធិសញ្ញាអាវុធ START ថ្មី (សន្ធិសញ្ញាកាត់បន្ថយអាវុធយុទ្ធសាស្ត្រ) មុនពេលវាផុតកំណត់នៅឆ្នាំ ២០២១ ។
សន្ធិសញ្ញាសញ្ញានេះត្រូវបានពង្រីកចុងក្រោយនៅឆ្នាំ ២០១០ ដោយប្រធានាធិបតីសហរដ្ឋអាមេរិកលោក បារ៉ាក់ អូបាម៉ា និងប្រធានាធិបតីរុស្ស៊ីលោក ឌីមី ទ្រីមេដវេដេវ។ កិច្ចព្រមព្រៀងនេះដាក់ចេញនូវអាវុធដែលបានផលិតចំនួន ១.៥០០គ្រាប់ ដោយមានមីស៊ីលដែលបានពង្រាយចំនួន ៧០០គ្រាប់ រួមជាមួយនឹងក្បាលដែលដាក់ពង្រាយនិងមិនដាក់ពង្រាយគ្រាប់ចំនួន ៨០០គ្រាប់ ៕
Bong I.T