អស្ចារ្យណាស់មួយគ្រាប់នេះ! ញាក់ដាច់ចង្កេះខ្សែការពារ ៤-៥នាក់ រួចឆ្កឹះបាល់ផុតដៃអ្នកចាំទីយ៉ាងល្អ (មានវីដេអូ)

អង់គ្លេស៖ Crystal Palace រកបាន ៣ពិន្ទុក្នុងការប្រកួតសប្ដាហ៍ទី១៩របស់ខ្លួនក្នុងក្របខណ្ឌ Premier League កាលពីយប់មិញ ក្រោយយកឈ្នះក្រុមភ្ញៀវ West Ham United ដោយលទ្ធផល ២ទល់នឹង១។

West Ham ជាអ្នកបើកការនាំមុខមុននៅនាទីទី៥៧ ដោយកីឡាករ Robert Snodgrass ប៉ុន្តែត្រូវ Crystal Palace វាយបកយកឈ្នះវិញ ដោយគ្រាប់បាល់របស់កីឡាករ Kouyate នៅនាទីទី៦៨ និង Jordan Ayew នៅនាទីទី៩០+។

អ្វីដែលគួរឲ្យចាប់អារម្មណ៍សម្រាប់ការប្រកួតនោះ គឺគ្រាប់បាល់ចុងក្រោយនៅក្នុងការប្រកួតដែលរកបាននៅក្នុងម៉ោងបន្ថែមវគ្គទី២ ដោយកីឡាករ Jordan Ayew គឺគេបានញាក់ចង្កេះខ្សែការពាររបស់ West Ham អស់ ៤-៥នាក់ រួចបន្តឆ្កឹះបាល់ផុតដៃអ្នកចាំទីចូលទីយ៉ាងអស្ចារ្យ៕

ចង់ឃើញថាគ្រាប់បាល់មួយគ្រាប់នោះអស្ចារ្យយ៉ាងណា​ ទៅទស្សនាវីដេអូខាងក្រោមទាំងអស់គ្នា៖