ក្ដៅៗ! ជម្រើសជាតិអាល្លឺម៉ង់ និងជាដៃគូរបស់ Neymar កីឡាករ Draxler មកដល់ទឹកដីកម្ពុជា

ភ្នំពេញ៖ ខ្សែបម្រើប្រយុទ្ធរបស់ក្លិបអ្នកមាននៅបារាំង Paris Saint Germain និងជាកីឡាករជម្រើសជាតិអាល្លឺម៉ង់ Julian Draxer បានធ្វើដំណើរមកដល់ប្រទេសកម្ពុជា នេះបើតាមការបង្ហោះរូបភាពរបស់គណនី Facebook មួយ។

រូបភាពប៉ុន្មានសន្លឹកនោះគឺ Julian Draxler បានថតជាមួយអ្នកគាំទ្រនៅក្នុងសណ្ឋាគារ Nagaworld ក្នុងរាជធានីភ្នំពេញ។ យ៉ាងណាគេមិនដឹងច្បាស់ថាការធ្វើដំណើររបស់ម្ចាស់អាវលេខ២៣នៅ PSG រូបនេះមកកាន់ទឹកដីកម្ពុជាក្នុងគោលបំណងអ្វីនោះទេ។

គួរឲ្យដឹងដែរថា Draxler ធ្លាប់លេងឲ្យក្លិបធំៗជាច្រើននៅអឺរ៉ុបដូចជា Schalke 04, Wolfsburg និងចុងក្រោយ Paris Saint-Germain ហើយកីឡាករវ័យ២៦ឆ្នាំរូបនេះក៏ជាកម្លាំងសំខាន់ដែលជួយឲ្យឥន្ទ្រីដែកអាល្លឺម៉ង់ឈ្នះពាន FIFA World Cup  ឆ្នាំ២០១៤ នៅប្រទេសប្រេស៊ីលផងដែរ៕

សូមទស្សនារូបភាពខាងក្រោម៖

រូបភាព៖  Moha Tep