អាយុកាន់តែច្រើនអ្នកកាន់តែបារម្ភពីទំនាក់ទំនងស្នេហា។ បារម្ភព្រោះថា អ្នកឃើញមនុស្សជុំវិញដែលមានវ័យស្របាលអ្នក គេមានគ្រួសារដ៏កក់ក្តៅ ដែលកំពុងចែករំលែកសុភមង្គលយ៉ាងរីករាយតែអ្នកមិនអាចធ្វើបានដូចគេ។ ឪពុកម្តាយអ្នកតែងតែជម្រុញអ្នកឲ្យគិតដល់គូអនាគត ព្រោះគាត់ចង់ឃើញអ្នកមានគ្រួសារដ៏ផ្អែមល្ហែមមួយ ហើយណាមួយបារម្ភថាអ្នកកាន់តែចាស់ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែបើចូលដល់វ័យនេះហើយ អ្នកនៅតែមិនអាចរកឃើញគូស្រករដ៏សក្តិសមទៀត កុំបន្ទោសខ្លួនឯងអី ព្រោះហេតុផលគឺថា៖
១. អ្នករីករាយនឹងជីវិតនៅលីវ៖
អ្នកសប្បាយចិត្តនឹងអ្វីដែលអ្នកកំពុងមាន។ នៅម្នាក់ឯងក៏ពិតមែន តែអ្នកមានសេរីភាពបរិបូរណ៍ និងឯករាជ្យ។ អ្នកចង់ទៅណា ធ្វើអីដែលអ្នកចង់ ដោយមិនមានការទាស់ទែងរករឿង។ ភាពសប្បាយរីករាយទាំងនោះ ធ្វើឲ្យអ្នកមិនចង់មានមនុស្សប្លែកមុខចូលជ្រៀតជ្រែកជីវិតរបស់អ្នកទាល់តែសោះ។
២. ជួបតែមនុស្សមិនត្រូវចិត្ត៖
អ្នកជុំវិញខ្លួនអាចនឹងគិតថាអ្នករើសដៃគូរពេក ទើបបន្តនៅលីវបែបនេះ។ ប៉ុន្តែវាមិនមែនជាកំហុសរបស់អ្នកនោះឡើយ ព្រោះយើងមិនអាចបង្ខំខ្លួនឯងឲ្យទទួលយកនរណាម្នាក់ជាភរិយា ឬស្វាមី ទាំងដែលយើងមិនមាននិស្ស័យជាមួយគេសោះ។ ការពិតទៅការរើសយកមនុស្សដែលត្រូវចិត្តធ្វើឲ្យយើង ចេះសម្រេចចិត្តដោយមានទំនួលខុសត្រូវ ព្រោះនាពេលអនាគតទោះមានបញ្ហាអ្វីកើតឡើងក៏ដោយ យើងក៏ច្បាស់ក្នុងចិត្តថាបុគ្គលនេះ យើងជាអ្នកជ្រើស យើងជឿជាក់លើគេ។
៣.ខ្លាចភាពឈឺចាប់៖
មានមនុស្សមិនតិចទេ ដែលជានិច្ចកាលតែងលើកឡើងប្រាប់អ្នកថា ពេលមានស្នេហាទៅពិបាកណាស់ ឬបែបនេះបែបនោះ ដែលធ្វើឲ្យអ្នកខ្លាចរអា។ តិចជីវិតគូរនៅមិនចុះសម្រុងទៅ? ប៉ុន្តែលក្ខណៈរបស់មនុស្សមិនដូចគ្នាទេ បើអ្នកចេះតែខ្លាចការឈឺចាប់ ហើយមិនព្រមបើកចិត្តខ្លះ នោះអ្នកនឹងនៅតែបន្តខ្លាចបែបហ្នឹងតទៅ។
៥. ខ្វះទំនុកចិត្ត៖
«ខ្ញុំធាត់ណាស់។ មិនស្អាតទេ។ មិន...ទេ។» ជាពាក្យពេចន៍ដែលអ្នកនិយាយ ឬលួចគិតក្នុងចិត្តមែនទេ? គំនិតទាំងនេះ វាបង្ហាញថាអ្នកពុំទាន់មានទំនុកចិត្តលើខ្លួនឯង។ ត្រូវចងចាំថា បើគេស្រលាញ់អ្នក គេត្រូវទទួលយកអ្នកជាអ្នក។ហើយអ្នកក៏ដូចគ្នា បើពេញចិត្តគេ អ្នកត្រូវទទួលយកគ្រប់យ៉ាងជាគេ កុំរិះគន់ក្នុងន័យលេងសើចធ្វើឲ្យគេខូចចិត្ត។
៦. វក់នឹងការងារ៖
មានមនុស្សមិនតិចទេ ដែលស្រលាញ់ការងារងើបមុខមិនរួច។ គេជាមនុស្សជំនាញខាងរកលុយ តែរឿងស្នេហា គេពិបាកនឹងរៀបឬក ព្រោះមិនដឹងថាត្រូវនិយាយយ៉ាងម៉េច? មិនចេះផ្អែមល្ហែម មួយថ្ងៃៗឈ្ងោកតែជាមួយកុំព្យូទ័រ មិនសូវចេះរវីរវល់ជាមួយនរណា។ អ៊ឹចឹងហើយ បានជាភាពវក់វីនឹងការងារក្លាយជាជម្រើសរបស់អ្នក។
៧. មិនមានបច្ចេកទេសតុបតែងខ្លួន៖
សម្រាប់មនុស្សស្រី ការរៀបចំខ្លួនគឺសំខាន់ណាស់។ តុបតែងបែបសុភាពៗ (កុំប្រើគ្រឿងសម្អាងលើសពេក) មានស្នាមញញឹម និងចរិតថ្លៃថ្នូរគឺជាតម្លៃដែលគ្រប់គ្នាចូលចិត្ត។
ចំពោះបុរស គួរស្លៀកពាក់ឲ្យសមរម្យ មានចរិតជាសុភាពបុរស និងការប្រាស្រ័យទាក់ទងល្អ។
៨. លក្ខណៈខាងក្រៅមានខ្វះចន្លោះ ៖
អ្នកជាមនុស្សរឹងមាំពេក ធ្វើឲ្យអ្នកជុំវិញខ្លួនមានអារម្មណ៍ថាអ្នកមិនចង់មានសម្ព័ន្ធភាពស្នេហាជាមួយនរណា ឬគេអាចនឹងគិតថាអ្នកមានគូហើយ។ ផ្ទុយទៅវិញ បើអ្នកមានចរិតឡិកឡក់ទន់ជ្រាយពេក គេនឹងគិតថា អ្នកមិនគួរឲ្យស្រលាញ់ទេ ព្រោះមិនទាន់ចាស់ទុំសក្តិសមជាគូរនឹងគេ។ ដូច្នេះ រៀនសម្របខ្លួនឲ្យត្រូវកាលៈទេសៈ ហើយមានភាពជាខ្លួនឯងទើបប្រសើរ៕