តួកគី៖ តុលាការកំពូលរបស់ប្រទេសតួកគីបានសម្រេចថាការហាមឃាត់មិនឲ្យចូលទៅប្រើប្រាស់គេហទំព័រវិគីភីឌាគឺមិនមានលក្ខណៈស្របទៅនឹងរដ្ឋធម្មនុញ្ញឡើយ។ តុលាការបានសម្ដែងការមិនពេញចិត្តចំពោះការហាមឃាត់នេះ និងថាជាការរំលោភសិទ្ធិសេរីភាពនៃការបញ្ចេញមតិ ហើយបានបញ្ជាឲ្យដកវាចេញ។ គួររម្លឹកផងដែរថារដ្ឋាភិបាលតួកគីបានហាមឃាត់គេហទំព័រនេះក្នុងឆ្នាំ២០១៧ ដោយសារការបង្ហាញថាតួកគីបានសហការជាមួយក្រុមសកម្មប្រយុទ្ធជីហាដនៅក្នុងប្រទេសស៊ីរី។ ជារឿយៗគេហទំព័រមួយចំនួនត្រូវបិទជាបណ្ដោះអាសន្ន នៅពេលតួកគីរកឃើញមាតិកាដែលបង្កើតឡើងដើម្បីរិះគន់រដ្ឋាភិបាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីខែឧសភាកន្លងទៅនេះ វិគីភីឌាបានកោះហៅតួកគីទៅកាន់តុលាការសិទ្ធិមនុស្សអឺរ៉ុបជុំវិញការហាមឃាត់មួយនេះ ដោយលើកហេតុផលថាការហាមឃាត់សព្វវចនាធិប្បាយតាមអ៊ីនធឺណិតគឺបានរំលោភលើសិទ្ធិសេរីភាពក្នុងការបញ្ចេញមតិ។ តុលាការធម្មនុញ្ញបានបោះឆ្នោតគាំទ្រ ១០សំឡេងទល់នឹង៦សំឡេង ថាការហាមឃាត់នេះគឺជាការរំលោភលើសិទ្ធិសេរីភាពនៃការបញ្ចេញមតិ។ គេរំពឹងទុកថាអាជ្ញាធរនឹងសម្រេចដកការហាមឃាត់មួយនេះចេញ៕