ចិន៖ កាលពីថ្ងៃទី២៣ ខែធ្នូ ឆ្នាំ២០១៩កន្លងទៅនេះ ក្មេងស្រីវ័យ១០ឆ្នាំម្នាក់ (មិនបញ្ចេញអត្តសញ្ញាណ) រស់នៅក្នុងខេត្ត Shannxi បានរត់ចេញពីផ្ទះ ព្រោះតែម្ដាយស្ដីបន្ទោសឲ្យពេក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅព្រឹកក្នុងថ្ងៃកើតហេតុ ក្មេងស្រីរូបនោះ មិនបានទៅសាលារៀនឡើយ ហើយគេបានហៅតាក់ស៊ីឲ្យជួយជូនទៅមណ្ឌលកុមារកំព្រាមួយកន្លែងដែលនៅក្បែរនោះ។
យោងតាមការសន្ទនាតាមរយៈវីដេអូមួយដែលថតឡើងដោយកាមេរ៉ាសុវត្ថិភាព បានឲ្យដឹងថា បន្ទាប់ពីឮក្មេងស្រីចង់ទៅមណ្ឌលកុមារកំព្រារួចមក លោក Yu Runyin ដែលជាអ្នកបើកតាក់ស៊ីភ្ញាក់ផ្អើលយ៉ាងខ្លាំង ហើយក៏សួរដេញដោលពីមូលហេតុ តែក្មេងស្រីមិនព្រមប្រាប់ឡើយ។ មិនយូរប៉ុន្មាន ក្មេងស្រីចាប់ផ្ដើមយំ និងប្រាប់ថាគេមិនចង់ចូលរៀនទៀតទេ ឃើញដូច្នេះ លោក Yu Runyin ក៏បានទូរស័ព្ទទៅប្ដឹងប៉ូលិស។
អ្នកស្រី Xiao ដែលជាម្ដាយក្មេងស្រីនោះបាននិយាយថា៖
«កូនស្រីរបស់ខ្ញុំបានចំណាយពេលថ្ងៃអាទិត្យលេងរហូត ដល់ថ្នាក់មិនធ្វើលំហាត់ ហើយមិនចង់ទៅសាលារៀន ព្រោះខ្លាចគ្រូស្ដីបន្ទោស និងមកដល់ផ្ទះត្រូវខ្ញុំស្ដីបន្ទោសឲ្យម្ដងទៀត។ ខ្ញុំទទួលស្គាល់ថា ខ្ញុំតឹងតែងខ្លាំងពេកពេលខ្លះ ដែលធ្វើឲ្យកូនស្រីរងនូវសម្ពាធ។»
យ៉ាងណាមិញ ក្មេងស្រីនោះត្រូវបានប្រគល់ឲ្យទៅម្ដាយវិញក្នុងថ្ងៃដដែល ហើយម្ដាយក៏បានសន្យានៅចំពោះមុខសារព័ត៌មានដែរថា នឹងមិនវាយតប់ ឬស្ដីបន្ទោសឲ្យកូនស្រីម្ដងទៀតឡើយ៕
សូមទស្សនារូបភាពនិងវីដេអូខាងក្រោម៖
Bong I.T