បរទេស៖ ប្ដីប្រពន្ធមួយគូដែលតែងតែចូលចិត្តធ្វើរឿងភ្ញាក់ផ្អើលដាក់គ្នាទៅវិញទៅមក មិនថាវាជារឿងល្អ ឬអាក្រក់នោះឡើយ។ កាលពីថ្មីៗនេះ លោក James ដែលត្រូវជាប្ដីបានធ្វើឲ្យប្រពន្ធរបស់គាត់ Kelly មានការភ្ញាក់ផ្អើលមួយ ខណៈពេលដែលនាងកំពុងតែជូតសម្អាតបង្អួចផ្ទះ ក៏ស្រាប់តែប្ដីរបស់នាងបង្ហាញស្នាមសាក់ថ្មីនៅលើភ្លៅខាងស្នាំរបស់គាត់ ដែលជារូបនាងកំពុងតែគេងយ៉ាងស្កប់ស្កល់ ដែលស្ថិតក្នុងសភាពអាក្រក់មើលបំផុត (ស្រមុក)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគូស្នេហ៍មួយគូនេះ ចូលចិត្តធ្វើអ្វីប្លែកបែបនេះអស់រយៈពេល ២៤ ឆ្នាំហើយចាប់តាំងពីពួកគេរៀបការមក។ នេះបើតាមសម្ដីរបស់ James លើកឡើងថាគាត់ធ្វើបែបនេះគ្រាន់តែចង់ Prank ឲ្យបានមុន Kelly ព្រោះគាត់មិនដឹងថានាងមានគម្រោងនឹងធ្វើអ្វីដាក់គាត់មុនទៀតនោះទេ។ មួយវិញទៀត លោកចង់តបស្នង Kelly ព្រោះនាងបានកាត់សក់ឲ្យគាត់ផងដែរ។ ចំណែក Kelly ដែលជាប្រពន្ធក៏បានលើកឡើងដែលថា នាងពិតជាភ្ញាក់ផ្អើល និងមិនអាចទប់សំណើចបានឡើយក្រោយឃើញរូបនោះ ហើយនាងពិតជាស្អប់រូបបែបនោះណាស់៕