ភ្នំពេញ៖ ពិតណាស់ថា បញ្ហាគ្រោះថ្នាក់ចរាចរណ៍ នៅតែជាបញ្ហាមួយ ដែលប្រជាជនទាំងអស់ កំពុងមានការព្រួយបារម្ភគ្រប់គ្នា ជាពិសេស បណ្ដាលមកពី អ្នកបើកបរមួយចំនួន មិនមានការប្រុងប្រយ័ត្ន និងបើកហួសល្បឿនកំណត់ជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ថ្មីៗនេះ បានផ្ទុះរឿងរ៉ាវដ៏សោកសង្វេគមួយ ដែលបានកើតឡើងលើជនជាតិបរទេសមួយរូប បានមករស់នៅប្រទេសខ្មែរតាំងពីឆ្នាំ ១៩៩១មកម្ល៉េះ ហើយជាបុគ្គលិកអង្គការក្រៅរដ្ឋាភិបាល បានត្រូវធ្លាក់ខ្លួនពិការជើង មួយចំហៀងអស់មួយជីវិត ដោយសារតែបញ្ហាគ្រោះថ្នាក់ចរាចរណ៍មួយ កើតឡើងកាលពីចុងខែវិច្ចិកា ហើយម្ចាស់ឡាន មិនបានផ្ដល់យុត្តិធម៌ជូនលោកនោះទេ។
ក្នុងនោះដែរ តាមរយៈគណនីហ្វេសប៊ុកមួយ បានបង្ហោះវីដេអូ ដែលបុរសជនជាតិបារាំងរូបនោះ អង្គុយលើកៅអីរុញ រៀបរាប់ពីហេតុការណ៍ដែលត្រូវរថយន្ត Range Rover ពណ៌ស មួយគ្រៀង បើកមកបុកយ៉ាងពេញទំហឹង ព្រមទាំងបាន ប្រកាសរកយុត្តិធម៌ ជូនជនស្លូតត្រង់ដូចរូបលោកផង។
ជាមួយគ្នានេះដែរ ក្រោយពីបានមើលវីដេអូនោះហើយ ធ្វើឲ្យមិត្តៗក្នុងបណ្ដាញសង្គម កើតចិត្តអាណិតដល់ ជនរងគ្រោះរូបនេះគ្រប់គ្នា ព្រមទាំងបានចែករំលែកតគ្នា ដើម្បីជួយរកយុត្តិធម៌ ហើយដាស់តឿនដល់អ្នកបើកបរគ្រប់រូប ឲ្យបើកបរចេះគិតពី អាយុជីវិតអ្នកដទៃផង៕
ចង់ជ្រាបច្បាស់ ទស្សនាវីដេអូខាងក្រោម៖
WARNING: Graphic Video (Traffic accident)
Viewers discretion is advised.