ជប៉ុន៖ បើតាមទីភ្នាក់ងារសារព័ត៌មាន Bloomberg បានឲ្យដឹងថាក្រុមហ៊ុន Sony កំពុងដុតដៃដុតជើងដើម្បីផលិត sensors កាមេរ៉ាទូរសព្ទឲ្យទាន់តម្រូវការទីផ្សារ។ បើទោះបីជាការលក់ស្មាតហ្វូនបានធ្លាក់ចុះយ៉ាងខ្លាំងនៅប៉ុន្មានឆ្នាំចុងក្រោយនេះក៏ដោយ ក្រុមហ៊ុនទូរសព្ទជាច្រើននៅតែបន្តបន្ថែមកាមេរ៉ាជាច្រើនគ្រាប់នៅលើកំពូលស្មាតហ្វូនរបស់ពួកគេ។ ដូច្នេះតម្រូវការ sensors កាមេរ៉ាទូរសព្ទមានការកើនឡើងដូចគ្នា។ Sony ជាក្រុមហ៊ុនផ្គត់ផ្គង់ sensors ដ៏ធំមួយរបស់ពិភពលោក ដោយវាក្ដោបក្ដាប់ចំណែកទីផ្សារ៥០% ហើយ sensors កាមេរ៉ាដែលយើងឃើញមាននៅលើទូរសព្ទ iPhone ជំនាន់ចុងក្រោយគឺសុទ្ធតែជាផលិតផលរបស់ Sony។ វាបានន័យថា Sony បានផលិត sensors ១២មេហ្គាភិចសែលចំនួន៤គ្រាប់សម្រាប់ iPhone 11 pro នីមួយៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរយៈពេលពីរឆ្នាំចុងក្រោយនេះ Sony បានបើកដំណើរការរោងចក្រលផលិតឈីប២៤ម៉ោងពេញមួយសប្ដាហ៍។ បើទោះបីជាក្រុមហ៊ុននេះធ្វើការគ្មានថ្ងៃឈប់សំរាក ក៏នៅតែមិនអាចផ្គត់ផ្គង់ផលិតផលរបស់ខ្លួនទាន់ពេលវេលា។ ឥឡូវក្រុមហ៊ុន Sony បានបោះទុនបន្ថែមដើម្បីបង្កើនសង្វាក់ផលិតកម្មរបស់ខ្លួន ដោយបានសាងសង់រោងចក្រថ្មីមួយទៀតដែលគ្រោងនឹងបើកដំណើរការនៅឆ្នាំ២០២១។ ប៉ុន្តែប្រធាន Sony Semiconductor Solutions Group លោក Terushi Shimizu បានព្រមានថាការបង្កើនខ្សែសង្វាក់ផលិតកម្មប្រហែលជាមិនអាចផ្លាស់ប្ដូរស្ថានភាពបានប៉ុន្មានទេ៕