បរទេស៖ ក្លិបអ្នកមានបុណ្យ Barcelona បានចាប់អារម្មណ៍ចង់នាំយកខ្សែបម្រើប្រយុទ្ធវ័យក្មេងរបស់ Manchester United កីឡាករ Angel Gomes។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សធំដឹងក្ដីនៅកីឡដ្ឋាន Old Trafford កីឡាករវ័យ១៩ឆ្នាំ Angel Gomes នឹងអស់សុពលភាពកិច្ចសន្យាជាមួយ Man UTD នៅបំណាច់រដូវកាលនេះ។ នៅរដូវកាល ២០១៩-២០២០ នេះ Gomes ចូលលេងក្នុងជម្រើសដំបូងបាន៣ដង និងផ្លាស់ប្ដូរចូល៥លើកឲ្យក្រុមធំ ក្រោមការដឹកនាំរបស់លោក Ole Gunnar Solskjaer។
បើតាមការចុះផ្សាយរបស់កាសែតកីឡាល្បីឈ្មោះមួយក្នុងប្រទេសអង់គ្លេស Barcelona បានសម្លឹងឃើញការនាំយក Angel Gomes នៅទីផ្សារខែមករាខាងមុខ។ ក្លិបមានមូលដ្ឋាននៅតំបន់កាតាឡាន់បានចាប់អារម្មណ៍មកលើជម្រើសជាតិអង់គ្លេសរូបនេះជាខ្លាំង។
ក្រៅតែពីក្លិបជើងឯកលីគកំពូលអេស្ប៉ាញ នៅប៉ុន្មានសប្ដាហ៍ចុងក្រោយនេះក៏មានបណ្ដាក្លិបធំជាច្រើនកំពុងតែតាមមើល Angel Gomes ផងដែរ។
គួរឲ្យដឹងដែរថា កីឡាករដែលតម្លើងមកក្រុមធំ Man UTD កាលពីឆ្នាំ២០១៧រូបនេះ ធ្លាប់ជាប់ជម្រើសជាតិអង់គ្លេសអាយុក្រោម១៦ឆ្នាំ, ១៧ឆ្នាំ, ១៨ឆ្នាំ, ១៩ឆ្នាំ និងចុងក្រោយបំផុតគឺនៅក្នុងក្រុមជម្រើសជាតិអង់គ្លេសអាយុក្រោម២០ឆ្នាំ៕
ប្រភព៖ SportsMole