វីដេអូស្ដែងៗ ខណៈមនុស្សពីនាក់កំពុងហែលទឹក ក៏ស្រាប់តែមានត្រីសមុទ្រធំមួយក្បាលហែលមកបម្រុងនឹងខាំពីក្រោយ(មានវីដេអូ)

ថៃ៖ ហេតុការណ៍ដ៏គួរឲ្យភ្ញាក់ផ្អើល ភ្ញៀវទេសរចរពីនាក់កំពុងហែលទឹកលេងនៅជិតតំបន់ឆ្នេរឈុមផុន ស្ថិតនៅភាគខាងត្បូងប្រទេសថៃ ក៏ស្រាប់តែត្រីមួយក្បាលហែលសំដៅមករកពួកគេ និងបង្កឲ្យមានការភិតភ័យជាខ្លាំង។

តាមការឲ្យដឹងពីអ្នកនេសាទម្នាក់ដែលបានថតវីដេអូនោះលើកឡើងថា គាត់បានឃើញត្រីធំមួយក្បាលគេឲ្យឈ្មោះថា ត្រីដាវ (Swordfish) ដែលត្រីប្រភេទនេះអាចបង្កគ្រោះថ្នាក់ដល់អាយុជីវិតបាន ព្រោះមាត់ដ៏ស្រួចហើយវែងរបស់វា។ លោកបានបន្តថា ត្រីនោះបានហែលយ៉ាងលឿនសំដៅទៅរកអ្នកហែលទឹកទាំងពីរ ហាក់ដូចជាមានកំហឹងមកពីណាក៏មិនដឹង។ តែភ្លាមៗនោះ ក្រុមរបស់លោកក៏បានជួយសង្គ្រោះទាន់ពេលវេលា ព្រមទាំងអាចចាប់ត្រីនោះបានថែមទៀតផង។

គួររម្លឹកផងដែរថា កាលពីឆ្នាំ ២០១៧ កន្លងទៅ ក៏មានបុរសចូលនិវត្តន៍អាយុ ៥៧ ឆ្នាំម្នាក់បានរងរបួសត្រង់ក ដោយសារមាត់ដ៏មុតស្រួចរបស់ត្រីប្រភេទនេះផងដែរ៕

សូមទស្សនាវីដេអូស្ដែងៗខាងក្រោម៖