បរទេស៖ មានហេតុផលជាច្រើនដែលយើងអាចផ្លាស់ប្តូរបរិយាកាសក្នុងផ្ទះ ដូចជាការដាំរុក្ខជាតិផ្សេងៗជាដើម។ ការសិក្សាបង្ហាញថា រុក្ខជាតិក្នុងផ្ទះពិតជាអាចជួយជំរុញអារម្មណ៍បានល្អ បង្កើនភាពច្នៃប្រឌិត កាត់បន្ថយភាពតានតឹង និងអាចកម្ចាត់ជាតិពុលក្នុងខ្យល់ទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខាងក្រោមជាប្រភេទកូនរុក្ខជាតិដែលងាយស្រួលមើលថែបំផុត សំរាប់អ្នកដែលទើបតែចាប់ផ្តើមដំបូង៖
១. រុក្ខជាតិ Snake Plant (Sansevieria trifasciata)
រុក្ខជាតិប្រភេទនេះត្រូវការពន្លឺថ្ងៃល្មម ប៉ុន្តែវាអាចរស់បានទោះមានពន្លឺតិចតួចក្តី ជាពិសេសយើងមិនចាំបាច់ស្រោចទឹកវាញឹកញាប់ទេ។ លើសពីនេះទៀត វាបញ្ចេញអុកស៊ីហ្សែននៅពេលយប់ដែលនឹងជួយដល់ការបន្សុទ្ធខ្យល់នៅក្នុងបន្ទប់ ធ្វើឲ្យលោកអ្នកគេងលក់ស្រួល។
២. Devil’s Ivy (Pothos)
រុក្ខជាតិប្រភេទនេះមិនលំបាកដាំនោះទេ ម្យ៉ាងទៀតវាមិនត្រូវពន្លឺច្រើន ហើយរីកលូតលាស់លឿនទៀត។
៣. Chinese Money Plant (Pilea peperomioides)
គេអាចហៅឈ្មោះរុក្ខជាតិបានម្យ៉ាងទៀតថា pancake or UFO រុក្ខជាតិប្រភេទមានដើមកំណើតនៅខេត្តយូណានប្រទេសចិន។ ពួកវាត្រូវការពន្លឺថ្ងៃដោយផ្ទាល់ ដូច្នេះយើងត្រូវដាក់វានៅជាប់នឹងបង្អួចដើម្បីឱ្យវាអាចធ្វើរស្មីសំយោគបាន ។
៤. Chinese Evergreen (Aglaonema)
រុក្ខជាតិប្រភេទនេះដុះរីកលូតលាស់យឺត វាមានពណ៌លឿងក្រហមស្រស់ ហើយត្រូវការពន្លឺល្មមដើម្បីរីកលូតលាស់។
៥. ZZ Plant (Zamioculcas)
រុក្ខជាតិប្រភេទនេះ គឺងាយស្រួលថែរក្សាណាស់ ព្រោះវាធន់នឹងពន្លឺទាបហើយមិនត្រូវការសំណើមច្រើនទេ។
៦. Aloe
រុក្ខជាតិប្រភេទនេះប្រហែលមានអ្នកស្គាល់ច្រើន ដោយសារវាអាចជួយកាត់បន្ថយកំដៅព្រះអាទិត្យ ហើយវាងាយស្រួលថែរក្សានឹងមិនចាំបាច់ត្រូវស្រោចទឹកញឹកញាប់នោះទេ។
៧. Philodendron Green
វាក៏ជារុក្ខជាតិមួយក្នុងចំណោមរុក្ខជាតិទាំង៧ ដែលជួយបន្សុទ្ធខ្យល់ដ៏ល្អបំផុត។ ប៉ុន្តែបញ្ហាធំនៃរុក្ខជាតិនេះ គឺវាជារុក្ខជាតិមានជាតិពុល ដូច្នេះអ្នកត្រូវតែដាំឱ្យឆ្ងាយពីដៃកូនក្មេងតូចៗ និងសត្វចិញ្ចឹមនៅក្នុងផ្ទះរបស់អ្នក៕