អ៊ីតាលី៖ បើតាមសេចក្ដីរាយការណ៍បានឲ្យដឹងថា Juventus បានចាប់អារម្មណ៍ចង់នាំយកអតីតខ្សែបម្រើរបស់ខ្លួនដែលបច្ចុប្បន្នកំពុងលេងឲ្យ Manchester United គឺកីឡាករ Paul Pogba មកលេងនៅទីក្រុង Turin សាជាថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិបជើងឯកអ៊ីតាលី Juventus ជាមួយនឹង Real Madrid សុទ្ធសឹងតែចង់បានខ្សែបម្រើជម្រើសជាតិបារាំងម្នាក់នេះកំឡុងទីផ្សារដោះដូរកីឡាកររដូវក្ដៅកន្លងទៅ ប៉ុន្តែមិនអាចឈានដល់កិច្ចព្រមព្រៀងណាមួយជាមួយបិសាចក្រហមបាន។
អ្នកចាត់ការទូទៅរបស់ Man UTD លោក Ole Gunnar Solskjaer ទើបតែប្រាប់កាលពីពេលថ្មីៗនេះថា Pogba មិនមែនសម្រាប់លក់ទេនៅខែមករាខាងមុខនេះ ប៉ុន្តែបើតាមការចុះផ្សាយរបស់កាសែតអ៊ីតាលី Tuttosport បិសាចក្រហមអាចនឹងរៀបចំធ្វើការដោះដូរមួយជាមួយ Juventus។
ប្រភពដដែលបានបន្តរៀបរាប់ថា ជើងឯកលីគអង់គ្លេស២០សម័យកាលនឹងបើកសំណើតម្លៃ៥២លានផោន បូកជាមួយនិងកីឡាករ Emre Can ដើម្បីជាថ្នូរនឹងការយល់ព្រមឲ្យខ្សែបម្រើវ័យ២៦ឆ្នាំ Pogba ត្រឡប់ទៅ Juvenuts វិញ។
គួរឲ្យដឹងដែរថា ក្រោយខកខានបង្ហាញខ្លួននៅលើវាលស្មៅអស់ពេលជាច្រើនសប្ដាហ៍ដោយសារតែបញ្ហារបួស កាលពីថ្ងៃអាទិត្យកន្លងទៅ Pogba បានចូលលេងឲ្យ Man UTD សាជាថ្មីដោយផ្លាស់ប្ដូរចូល ក្នុងការប្រកួតជាមួយ Watford៕
ប្រភព៖ SportsMole