ថៃ៖ ទីបំផុត កាលពីថ្មីៗនេះ តារាចម្រៀងស្រីរូបស្រស់ Violette Wautier ជាមួយនឹងតារាសម្តែងប្រុសរូបសង្ហា Kao Jirayu បានប្រកាសបើកចំហរទំនាក់ទំនងស្នេហា ជាមួយគ្នាបានរយៈពេលជាង១ខែហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងកិច្ចសម្ភាសន៍មួយ លោក Kao បានសារភាពប្រាប់ត្រង់ៗថា Violette គឺនារីដែលលោកពេញចិត្ត លោកបន្ថែមទៀតថា លោកនិងនាងបានស្គាល់គ្នាជាយូរណាស់មកហើយ ហើយរាល់ពេលដែលបាននិយាយជាមួយនាងម្តងៗ គឺតែងតែធ្វើឲ្យលោកសប្បាយចិត្តជានិច្ច។
គួរឲ្យដឹងផងដែរថា Kao Jirayu និង Violetter អ្នកទាំងពីរបានជួបគ្នានិងថតខ្សែភាពយន្តជាមួយគ្នាជាលើកដំបូងនៅក្នុងរឿង «O-Negative» កាលពីឆ្នាំ២០១៦ បន្ទាប់មកអ្នកទាំងពីរក៏មានឱកាស បានសម្តែងខ្សែភាពយន្តថ្មី ជាមួយគ្នាម្តងទៀតនៅក្នុងឆ្នាំ២០១៨ គឺរឿង «Club Friday The Series 10: Ruk Rao Mai Tao Garn» ឲ្យទូរទស្សន៍ប៉ុស្តិ៍ GMM 25។
យ៉ាងណាមិញ នៅពេលដែលខ្សែភាពយន្តមួយនេះ បានចាក់ផ្សាយចេញទៅ ក៏មានប្រិយមិត្តគាំទ្រជាច្រើន ស្រលាញ់ពេញចិត្តនិងចង់ឲ្យអ្នកទាំងពីរក្លាយជាគូស្នេហ៍នឹងគ្នាពិតៗជាខ្លាំង ទាំងនៅក្នុងនិងក្រៅសាច់រឿងផងដែរ។ មិនតែប៉ុណ្ណោះ សូម្បីតែលោកយាយរបស់ Violette ក៏ចង់ឃើញនាងនិង Kao ក្លាយជាគូស្នេហ៍នឹងគ្នាមែនទែនថែមទៀតផងដែរ។
ប៉ុន្តែមិនថាយ៉ាងណា នៅពេលនេះក្តីប្រាថ្នារបស់អ្នកគាំទ្រគ្រប់គ្នា បានក្លាយជាទៅជាការពិតហើយ ដោយពេលនេះ Violette និង Kao ក៏បានក្លាយជាគូស្នេហ៍នឹងគ្នាពិតមែន ដោយមកទល់ពេលនេះគឺ អ្នកទាំងពីរបានទាក់ទងស្រលាញ់គ្នា បានរយៈពេលជាង១ខែហើយ៕