អ៊ីតាលី៖ ខ្សែប្រយុទ្ធវ័យចំណាស់កីឡាករ Mario Mandzukic បានសម្រេចកិច្ចព្រមព្រៀងផ្ទេរពីក្លិបសេះបង្កង់ Juventus ទៅចូលរួមជាមួយនឹងក្លិប Al-Duhail ដែលបច្ចុប្បន្នកំពុងឈរកំពូលតារាងក្នុងលីគកំពូលប្រទេសកាតា Qatar Stars League ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMandzukic វ័យ៣៣ឆ្នាំ មិនសូវបានចូលលេងឲ្យ Juventus បានច្រើននោះទេ ចាប់តាំងពីការមកដល់របស់គ្រូបង្វឹកសញ្ជាតិអ៊ីតាលីលោក Maurizio Sarri ។
ខ្សែប្រយុទ្ធសញ្ជាតិក្រូអាតរូបនេះ ត្រូវបានក្លិប Man Utd តាមចែចូវកំឡុងពេលទីផ្សារដោះដូរកីឡាកររដូវក្ដៅកន្លងទៅ បន្ទាប់ពីក្លិបជើងឯក Premier League ១៣សម័យមួយនេះ បរាជ័យក្នុងការដេញថ្លៃយកមិត្តរួមក្រុមរបស់គាត់កីឡាករ Paulo Dybala។
គួររម្លឹកផងដែរថា កំឡុងពេល៤ឆ្នាំជាមួយ Juventus កីឡាករ Mandzukic បង្ហាញខ្លួនបាន១៦២ប្រកួត ស៊ុតបញ្ចូលទីបាន៤៤គ្រាប់និងបញ្ជូនបាល់ឲ្យមិត្តរួមក្រុមសម្រេចទីបាន១៨ដង៕
ប្រភព៖ skysports