ឪពុកម្តាយជាមនុស្សសំខាន់បំផុតសម្រាប់ជីវិតអ្នក។ ភាពកក់ក្តៅ និងដំបូន្មានរាប់មិនអស់ដែលអ្នកទទួលបានពីគាត់។ បែបនេះហើយ វាអាចជាហេតុផលសមស្របមួយដែលអ្នកនឹងឈឺចាប់ពិបាកស្មាន បើអ្នកពុំមានគាត់នៅក្បែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះជាអារម្មណ៍ឈឺចាប់៥យ៉ាងដែលអ្នកមាន៖
១. ឯកា៖
អ្នកមានមិត្តច្រើនប៉ុណ្ណាក៏ដោយ តែអវត្តមានឪពុកម្តាយអ្នកនៅក្នុងជីវិត បានធ្វើឲ្យអ្នកមានអារម្មណ៍ថាឯកាណាស់។ នៅពេលមានពិធីតូចធំណាមួយ ដែលគ្រប់គ្នាអាចជួបជុំគ្រួសាររបស់ខ្លួន តែអ្នកបែរជាពុំអាចមានជំនួបដ៏ស្និទ្ធស្នាលដូចគេ។
២. អារម្មណ៍បាត់អ្វីមួយយ៉ាងសំខាន់៖
អ្នកមានអារម្មណ៍ព្រួយភ័យម្តងៗ ជាពិសេសពេលខកចិត្តរឿងអ្វីមួយ ព្រោះអ្នកធ្លាប់រំពឹងថាបានទទួលពាក្យលើកទឹកចិត្តដ៏កក់ក្តៅពីគាត់។ ការបាត់បង់ឪពុកម្តាយជាទីស្រលាញ់របស់អ្នក ជាការបាត់បង់ដ៏ធំធេង ធ្វើឲ្យអ្នកគ្មានថ្ងៃបំភ្លេចបាន ហើយក៏គ្មាននរណាម្នាក់មកជំនួសពួកគាត់បានដែរ។
៣. ទឹកភ្នែកស្រក់មិនដឹងខ្លួន៖
ពិបាកស្មាន ជួនកាលទឹកភ្នែកក៏ស្រក់ដោយមិនដឹងខ្លួន។ ពេលអ្នកឃើញរូបថតគាត់ ឬសូម្បីពាក្យសំដីដែលគាត់ធ្លាប់ណែនាំឮចេញពីមាត់អ្នកផ្សេងសោះ អ្នកបែរជាមានអារម្មណ៍រំជួលចិត្តខុសពីធម្មតា។ រឿងខ្លះជាស្នាមញញឹមដែលកើតឡើងជាមួយគាត់ ជាការនិយាយកំប្លែង តែពេលអ្នកនឹកដល់ អ្នកបែរជាយំអណ្តឺតអណ្តកអួលដើមកតែម្តង។
៤. ច្រណែនគេដែលមានឪពុកម្តាយ៖
មិត្តភក្តិរបស់អ្នកកំពុងជូនឪពុកម្តាយរបស់គេដើរកំសាន្ត ញ៉ាំបាយជុំគ្នា ឬធ្វើអ្វីផ្សេង។ អ្នកឃើញទិដ្ឋភាពទាំងនោះ អ្នកមានអារម្មណ៍ថា ច្រណែនគេមិចមិនដឹង។ អ្នកតែងស្រមៃពីសកម្មភាពទាំងនោះ ហើយប្រៀបធៀបនឹងខ្លួនឯង។ ការអន់ចិត្ត តូចចិត្ត កើតមានឡើងម្តងៗដែលជួនកាលធ្វើឲ្យអ្នកក្រៀមក្រំ ជួនកាលសប្បាយចិត្តជំនួសគេដែលមានឪពុកម្តាយហៅទៀតផង។
៥. សោកស្តាយនូវទង្វើដែលធ្វើខុស៖
បើកាលពីអតីតកាល អ្នកបានធ្វើឲ្យឪពុកម្តាយខូចចិត្ត ក្រោយបាត់បង់គាត់ អ្នកនៅតែមានវិប្បដិសារីមកដល់បច្ចុប្បន្ន។ អ្នកសោកស្តាយនូវទង្វើទាំងនោះ អ្នកពិតជាចង់ប៉ះប៉ូវជាខ្លាំង។ បើអាចបង្វិលពេលវេលាថយក្រោយ អ្នកនឹងធ្វើឲ្យបានល្អបំផុតសម្រាប់អ្នកមានគុណ៕