ជប៉ុន៖ ស្របពេលដែលមនុស្សសម័យថ្មីភាគច្រើនចូលលេងហ្គេមមិនថាហ្គេម Offline ឬក៏ហ្គេម Online ក្ដី រួមទាំងកម្ពុជាយើងសព្វថ្ងៃមានការកើនឡើងចំនួនអ្នកលេងហ្គេមគួឲ្យកត់សម្គាល់ និងមានអ្នកខ្លះបានយកការលេងហ្គេមធ្វើជាអាជីពក៏មាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ យើងក៏ប្រហែលជាមិនធ្លាប់គិតទេថានឹងមានអ្នកលេងហ្គេមដែលមានវ័យចំណាស់ដូចលោកយាយម្នាក់នេះ។ លោកយាយវ័យចំណាស់ម្នាក់ ដែលបានប្រឡូកក្នុងវិស័យមួយនេះជាង ៤ ទសវត្សមានឈ្មោះថា ម៉ូរី ហាម៉ាកូ ដែលសព្វថ្ងៃគាត់មានអាយុ ៨៩ ឆ្នាំហើយ។ លោកយាយ ម៉ូរី អាចលេងហ្គេម Call of Duty និង Grand Theft Auto បានយ៉ាងស្ទាត់ជំនាញ។
យោងតាម Game Spark បានឲ្យដឹងថាលោកយាយបានប្រើប្រាស់ឧបករណ៍ហ្គេម Cassette Vision ក្នុងឆ្នាំ ១៩៨១ មុននឹងផ្លាស់ប្តូរទៅលេង Nintendo Entertainment System (NES) ។ មិនត្រឹមតែប៉ុណ្ណោះ គាត់ក៏ជាអ្នកដែលកែលម្អ Graphic របស់ហ្គេម Resident Evil ដែលមាននៅលើឧបករណ៍ហ្គេម Playstation របស់ក្រុមហ៊ុន Sony ក្នុងកំឡុងទសវត្សទី ៩០ ទៀតផង។
ទន្ទឹមនឹងនេះ លោកយាយ ម៉ូរី ក៏មានឆាណែលយូធូបផ្ទាល់ខ្លួន ដែលមានឈ្មោះថា Gamer Grandma ដែលមានអ្នក Subscriber រហូតទៅដល់ ៩៧,២០០ នាក់៕
សូមទស្សនាវីដេអូនៃការលេងហ្គេម GTA របស់គាត់ខាងក្រោម៖